Politika -

Bake programa

AVTk kritikatu egin du poliziaren biktimak ikasgeletara eramatea

Daniel Porterok salatu duenez, "talde armatuetako kide eta terrorista izan direnak joango dira eskolara".

Erredakzioa

Whatsapp Facebook Twitter Telegram Email

ETAren biktima batzuentzat "maltzurra" da poliziaren biktimak edo biktima politikoak EAEko eskoletan testigantzak ematea, Eusko Jaurlaritzak aurkeztu duen bake programaren harira.

Jonan Fernandez Eusko Jaurlaritzaren Bake eta Elkarbizitzarako idazkari nagusiak iragarri du ETAren eta GALen biktimekin batera izango direla poliziaren biktimak ere EAEko eskoletan testigantza ematen.

Daniel Portero Dignidad y Justiciaren presidente eta ETAk hildako epaile baten semearentzat "erabateko kontraesana" da hori; izan ere, "talde armatuetako kide eta terrorista izan direnak joango dira eskolara". Hori dela eta, haiek ez direla "inoiz" biktima horiekin ikasgeletan izango iragarri du.

Iritzi berekoa da Angeles Pedraza AVTren presidentea ere. Gehien komeni zaizkien biktimak aukeratzea leporatu dio Pedrazak Jaurlaritzari.

Hala ere, Pedrazak aitortu du hiltzaileei barkatu dieten biktima batzuk parte hartzen ari direla antzeko ekimenetan, eta errespetatu egin du biktima bakoitzaren erabakia.

Hau zure interesekoa bada, baliteke beste gai hauek ere izatea
Berriak Politika Eusko Jaurlaritza berriak Prentsa digitalaren azken orduko Eguneko albisteak Bakea Euskadin Hezkuntzako albisteak 2024 Terrorismoaren Biktimak Polizia indarkeriari buruzko albisteak