Politika -
Polemika
Fernandez Diazek barkamena eskatu du Ertzaintzari buruz esandakoagatik
Ministroak ostiralean esan zuzenez, ez zen kartzelatik ateratako ETAko presoen aldeko omenaldirik egongo Polizia Nazionala edo Guardia Zibila bertan izan balitz.
Erredakzioa
Jorge Fernandez Diaz Barne ministroak "barkamena" eskatu dio Eusko Jaurlaritzari ostiralean egindako adierazpenengatik, Segurtasun Sailak konfirmatutakoaren arabera. Fernandez Diazek Ertzaintzaren jarrera zalantzan jarri zuen Euskadin kartzelatik ateratako ETAko presoen omenaldietan.
Ministroak telefonoz hitz egin du Estefania Beltrán de Heredia Segurtasun sailburuarekin eta barkamena eskatu dio.
Fernandez Diazi Ertzaintzaren jarreraz galdetu zioten ostiralean, ETAko presoei egindako omenaldien harian, eta berak esan zuenez, omenaldiak saihestu egingo lirateke Policía Nazionala edo Guardia Zibila bertan egonda.
Segurtasun sailburuak adierazpen bat atera zuen ministroaren hitzak "gehiegikeria" zirela esateko eta Ertzaintzak "legea bete dadin" lan egiten duela azpimarratzeko.
Iñigo Urkullu lehendakaria ere ministroaren hitzen inguruan aritu da larunbat goizean eta Mariano Rajoy presidenteari hitzak zuzentzeko eskatu dio, Josu Erkoreka Jaurlaritzako bozeramaileak konfirmatu duenez.
