Publizitatea
Itxi

2014/03/29

14:22

Politika

Omenaldi ofiziala, Villabonan

Frankismoaren hiru biktimaren gorpuzkinak senideen esku utzi dituzte

Erredakzioa

Joxe Agustin Garmendia, Joxe Antonio Garmencia eta Kruz Iribarren 1936. urtean fusilatu zituzten hilerriko paretaren kontra. Lurperatu aurretik, omenaldi instituzionala jaso dute.

  • Whatsapp
  • Whatsapp
  • Telegram
  • Bidali

Villabonako hiru herritar errepublikarren familiek haien gorpuzkinak berreskuratu eta lurperatu egin dituzte Amasako hilerrian.

78 urte itxaron behar izan dute Joxe Agustin Garmendia, Joxe Antonio Garmendia eta Kruz Iribarrenen familiek euren senitartekoak lurperatzeko.

Ekitaldi xumea izan da eguerdian  Amasako hilerrian egin dutena. Une hunkigarria, hiru billabonatarren senitartekoentzat. Justizia, oroimena eta egindakoaren aitortza izan dira hizpide nagusi.

1936. urtean fusilatu zituzten hilerriko paretaren kontra. Familiartekoak urteetan joan dira bertara, hondakinak han zeuden susmoa zuten-eta.

Susmoak egia bihurtu dira orain, Aritza Kultur elkarteak eta Aranzadik egindako lanari esker.

Ekitaldi  instituzionala

Hilerrira joan aurretik, ekitaldi instituzionala egin da Villabonako udaletxean: Martin Garitano, Ahaldun Nagusiak eta Villabonako alkateak senitartekoen esku utzi dute gorpuzkinen kutxa.

  • Bisitatuena

      Kargatzen ikusiena
      Kargatzen ikusiena
    ;