Kultura:'Egoerak proiektuaren bideragarritasunean eragina du'

Espainiako Hezkuntza, Kultura eta Kiroletako Ministerioak "profesionaltasun eza" egotzi dio Donostia 2016 proiektuko zuzendaritzari, "bai kudeaketan eta baita Europako Kultura Hiriburu izateko konpromisoan ere". Halaber, Donostia 2016 proiektuaren "hauskortasunaz" ohartarazi du.

Bestalde, laster Donostia 2016 proiektuaren harira, "erakundeek izandako leialtasun ezaren eta proiektuaren gauzatzean izandako atzerapenez" ohartaraziko die Espainiako Gobernuak Europako aginpideei.

Oharra kaleratu du Espainiako Hezkuntza, Kultura eta Kiroletako Ministerioak eta "ardura" agertu du Donostia 2016 Fundazioaren baitan dagoen "ezegonkortasun instituzionala" medio, "horrek guztiak proiektuaren bideragarritasunean eragin baitezake". Era berean, "erantzukizunez jokatzeko" eskatu du "neurri horretako Europako proiektua modu egokian garatzeko".

Ministerioaren esanetan, "Donostia 2016 proiektuaren baitako krisi instituzionalak zuzendaritzaren profesionaltasun eza agerian uzten du".