Politika -
Polemika
Laudioko udaletxeko balkoian Espainiako bandera jarri beharko dute
Epai baten arabera, alkateak hilabeteko epea dauka agindu judiziala betetzeko, hala egin ezean desobedientzia delitua leporatu diezaiokete.
Erredakzioa
Gasteizko epaitegi baten aginduz, Natxo Urkixo (Bildu) Laudioko alkateak hilabeteko epea dauka Espainiako bandera udaletxeko balkoian jartzeko. Agindua beteko ez balu, desobedientzia delitu bat leporatu diezaioketela ohartarazten du epaileak.
Joan den ekainean, Laudioko udalak agindu hori bete zuela jakinarazi zion epaileari. Argazkiak ere bidali zizkion, balkoi nagusian zegoen ikurrina teilatuan, Espainiako banderaren ondoan, ezarri zuela erakutsita.
Estatuko Abokatuak helegitea jarri zuen, aldaketa horrekin legea betetzen ez zela esanez, “Espainiako bandera begi-bistako eta ohorezko toki batean” egon behar delako.
Gasteizko epaitegiak arrazoia eman dio Estatuko Abokatuari, bandera teilatuan jarrita oinezkoek ikusi ezin dutelako.