'EH Bilduren eta EAJren proposamenak Lantaldean aztertu behar dira'

Josu Erkoreka Eusko Jaurlaritzako bozeramaleak autogobernuaren eta burujabetzaren gaineko proposamenak horren moduko gaiak eztabaidatzeko sortutako Lantaldera igortzeko eskatu die EAJri eta EH Bilduri.

Aurreko asteburuan, EH Bilduk ‘Euskal Bidea’ aurkeztu zuen, alegia, “Euskal Estatua lortzeko prozesu parte hartzailea”.

EAJk, horren ildotik, ETAk armak entregatzea eta desegitea eskatu zuen, eta eskaera “euskal herritarron artean itun nazional berri bat” jorratzeko prozesuari baldintzatu zuen. EAJren proposamenak Euskadiren “estatusak jausi” egitea eta “jatorrizko subiranotasuna berreskuratzea” du helburu nagusia.

Gobernu Kontseiluaren ondorengo prentsaurrekoan, Josu Erkorekak uko egin dio bi proposamenon inguruan aritzeari, gaineratu duenez, Legebiltzarreko Lantaldeari baitagokio.

Edonola ere, adierazi du Jaurlaritza bat datorrela EAJrekin ETAren amaierarantz aurrerapausoak eman behar dira esatean eta, horretarako, eragindako mina aitortu eta iragana modu kritikoan aztertu behar dela.

Edonola ere, ez du argitu nahi izan Eusko Jaurlaritzak ETAren desegitea eta autogobernuan aurrerapausoak ematearekin lotzen ote dituen, Autogobernuaren Lantaldea baita “agenda markatzen duena”.