Nafarroako Ahal Duguk 'gogor ekingo' dio, Laura Perez hautatu eta gero

Laura Perez Nafarroako Ahal Duguko idazkari nagusi berriak positibotzat jo du atzo izandako bozketa (bera idazkari nagusi hautatu zuten) eta, nahiz eta % 52,37 lortu gainerako hautagaien gainetik, alderdia ?indartsu? atera da, ?gogor ekiteko? prest, hau baita ?aldaketaren hastapena, eta geldiezina da?.

Perezek prentsaurrekoa egin du gaur, igandea, beste bi lehiakideekin batera, Joan Bosch (% 38,05) eta Sandra Gonzalez (% 8,56). Gainera, idazkari nagusi berriak bere diskurtsoaren parte egin ditu, eta Boschi ekonomialari gisa laguntzeko eskatu dio.

Ahal Duguko buruak eskerrak eman ditu, bai hautagaitza babestu dutenei, baita prozesuko parte-hartzaileei ere (5.484 lagunek izena emanda zuten bozkatzeko). Prozesuan hiru hautagaitza izan dira eta hori baseen ?aniztasunaren? erakusle da.

?Hemendik aurrera Ahal Dugu bakarra dago: Ahal Dugu Nafarroa?, azpimarratu du buruzagi berriak. Horrez gain, onartu du ?lan handia? dagoela egiteko, eta Ahal Dugu ?parte-hartze eta bateratzerako tresna da?, esan duenez. Halaber, azaldu duenaren arabera, Herritarren Batzordeak erabakiko ditu itunak egiteko irizpideak eta hautagaiak zeintzuk diren, esaterako, Parlamenturako zerrenda (berak ez du oraindik erabaki aurkeztuko ote den).

Hala, nahiz eta onartu duen ?inork ez? duela ?kristalezko bola?, etorkizuneko itunak zeintzuk diren zehazteko, alderdiak ?gure helburuak partekatzen dituztenekin lan egingo du. Horrek ez du inor baztertzen, soilik orain arte herritarren mesedetan neurriak hartzeko aukera izan eta gutxiengo baten alde lan egin dutenak?.

?Hautagaitzaren aldeko botoa eman duenak aldaketa nahi du, gure mezua argia da, eta hasieratik esan dugu aldaketa nahi dugula Nafarroan, kastarekin akordioak egingo ez dituena?, esan du txalo artean.