Bakea egonkortzeko pausoak ez ematea aurpegiratu dio EAJk ETAri

Bakea eta elkarbizitza egonkortzeko pausoak ez ematea aurpegiratu dio Joseba Aurrekoetxea jeltzaleak ETAri. Halaber, "bestea" (Espainiako Gobernua) mugitu arte "zain egotea" egotzi dio.

ETAk bere jarduera armatua bertan behera utzi ondoren, "orain, aurkariari begiratu gabe, pausoak ematen jarraitu behar du, eta jarrera horrek gizartearen aurrean sinesgarritasuna emango dio".

"Dirudienez, kalkulua saritzeko jokatzen ari da, posizioak irabazteko", adierazi du Aurrekoetxeak EAJren webgune batean argitaratutako elkarrizketa batean.

Aurrekoetxearen esanetan, bake prozesua "geldituta" dago eta batzuk (ETA) horrela mantentze dira jarrera horrek "beren kontraesanak konpontzeko edo bere erabakiak azaltzeko" balio dielako.

Bestalde, Espainiako Gobernuari ere aipamena egin dio eta inboluzio arriskurik ez dagoela baieztatu ostean, "salbuespenezko kartzela politika" errepasatzeko eta deuseztatzeko eskatu dio.