Alderdi gehienek bertan behera utzi dituzte gaurko ekitaldiak

Alderdi politiko gehienek bertan behera utzi dituzte larunbat honetarako aurreikusita zituzten hauteskunde kanpainako ekitaldiak, Sevillan izandako hegazkin istripuaren harira. Ildo horretan, doluminak emateaz gain, elkartasuna adierazi diete ezbeharrean hildako lau pertsonen senideei eta lagunei.

Mariano Rajoy Espainiako Gobernu presidenteak iragarri duenez, Pedro Sanchez PSOEko buruak eta berak gaurko ekitaldiak bertan behera uztea adostu dute.

Rajoyren esanetan, Defentsa ministroarekin, Espainiako presidenteordearekin eta PSOEko buruarekin hitz egin du erabakia hartu aurretik.

Podemos, IU, UPyD eta Ciudadanos alderdiek ere erabaki berdina hartu dute.

Bestalde, CiUk bertan behera utzi ditu kalean egitekoak zituen ekitaldiak, ostera, gune itxietan iragarrita zeudenei eutsi egin die.