Politika -
Bartzelonan
CUPek manifestazioa deitu du maiatzaren 7rako Bartzelonan
Manifestazioan parte hartzeko deia egin diete katalanei, independentziaren mesedetan 'desobedientzia' aldarrikatzeko.
AGENTZIAK | ERREDAKZIOA
CUPek manifestazioa deitu du datorren maiatzaren 7rako Bartzelonan, Auzitegi Nazionalak CUPeko hainbat kideren kontra zabaldutako ikerketaren kontra.
Bartzelonako Fossar de les Moreres plazan egindako ekitaldian, Montserrat Venturos Bergako alkate den CUPeko kideak manifestazioan parte hartzeko deia egin die katalanei "independentziaren mesedetan eta beldurrik gabe desobedientzia aldarrikatzeko".
Bestalde, Espainiako polizia judizialaren rola jokatzeari eta Esquadra Mossoak Auzitegi Nazionalaren beso betearazlea izateari uzteko eskatu dio Benet Salellas CUPeko diputatuak Generalitateko Barne Kontseilaritzari.
Halaber, gaurko ekitaldian parte hartu dute Joan Coma Capgirem Vic udalerriko zinegotziak eta Dani Cornella Celra udalerriko alkateak, hurrenez hurren, sedizioa bultzatzea eta abenduaren 20an estelada jartzea leporatuta ikertuak izaten ari direnak.
Kataluniako hogeita hamar udal inguru ikerketapean daude eta litekeena da independentziaren aldeko ebazpena onartu zuten 280 udalerri katalanak ere ikertuak izatea.
