Printze-printzesak berriro irainduko lituzke PSEko zinegotziak

Asturiaseko Printze-printzesa iraintzeagatik atzo atxilotutako Koldo Mendez Berrizko Udaleko zinegotzi sozialistak, "gauza bera berriz esango lukeela" baieztatu du eta bere adierazpen askatasun eskubidea erabiltzea besterik ez zuela egin esan du.

Asturiaseko Printze-printzesak Novia Salcedo Fundazioaren sariak banatzeko egin zuten bisitan jazotakoari buruzko iritzia adierazi dio Europa Presseri.

Zinegotziak zehaztu duenez, bere iritzi pertsonala eman zuen eta inola ere ez, ordezkari sozialista edo Euskadiko Profesional eta Langile Autonomoetako idazkari nagusi bezala.

Gertatutako azaldu du ordezkari sozialistak eta printze-printzesarena autoa igarotzean honakoa esan zuen: "Gora Errepublika, gora Errepublika euskaldun askea, monarkia frankista, monarkia hiltzailea, gora oroimen historikoa".

Une horretan, bere kontakizunaren arabera, ertzain bat hurreratu zitzaion argibide eske eta bere adierazpen askatasun eskubidea erabiltzea besterik ez zuela egin adierazi zion. Orduan, dokumentazioa eskatzen zion bitartean, agenteak "heldu" eta "blokeatu" zuen eta ondoren, atxilotu zuen.

Atxiloketan izandako "zakarkeria" salatuko du

Mendezek trabarik jarri ez zuela adierazi du eta Epaitegian atxiloketan izandako "zakarkeria eta neurrigabekeria" salatuko dituela esan du.

Zentzu horretan, "zakarkeria" horren ondorioz beso-euskarria jarri diotela eta belaunetan ere min hartu zuela esan du. Hori dela eta, ertzainek anbulategira eraman zuten eta bertan medikuak ospitalera eramatea agindu zuen.

Ospitalean, agenteek aske utzi zuten eta goizeko bederatzietan alta eman diote.

Zinegotzi sozialistak gaineratu du kargurik egotzi dioten ez dakiela eta "gaizki" dagoela, izan ere, ez zuen gertakariak izan duen oihartzuna espero.

Koldo Mendezek PSE-EE alderdian edo Euskadiko Langile Autonomoen Batasunean dituen erantzukizunak uzteko asmorik ez duela ere jakinarazi du.

PSE-EEk gertakaria azaltzeko eskatu dio Mendezi

Bestalde, Jose Antonio Pastor PSEko bozeramaleak "irmo" gaitzetsi du gaur Koldo Mendez Gallego Berrizeko (Bizkaia) Udaleko zinegotzi sozialistaren jokaera, atzo Asturiaseko printze-printzesak iraindu baitzituen Bilbon.

"Nik nire zuzendaritzari gustura azalduko diot eskatzen didana, baina nik bizia jokoan jartzen dudala ulertu behar du, eta alderdiaren ideiak defendatzeagatik bizkartzainak ditudala gogoratu behar du", erantzun du Mendezek.

Pastorren ustez, gertatutakoa "zoritxarreko pasadizoa" izan dela esan du, zinegotziak "hausnarketa pertsonala" egin baitu, baina, dena dela, Alderdi Sozialistak ez duela haren jokaera "babesten ezta defendatzen ere" gaineratu du.