Politika -

MEMORIA HISTORIKOA

Mola eta Sanjurjo militarren gorpuzkiak hobitik aterako dituzte

Iruñeko Eroritakoen Momentuan daude bi jeneral kolpisten gorpuzkiak, beste sei militarrenekin batera. Denak hobitik ateratzeko prozesua jarri du martxan Iruñeko Udalak.

Iruñeko Erorien Monumentuan daude hilobiratuta Mola eta Sanjurjo militarren gorpuzkiak.
Iruñeko Erorien Monumentuan daude hilobiratuta Mola eta Sanjurjo militarren gorpuzkiak.
Iruñeko Erorien Monumentuan dauden zortzi gorpuzkinak aterako dituzte

1:11

AGENTZIAK | ERREDAKZIOA

Whatsapp Facebook Twitter Telegram Email

Nafarroako hiriburuko Eroritakoen Monumentuko kriptan hilobiratuta dauden zortzi pertsonen gorpuzkiak hobitik ateratzeko prozesu administratiboa abian jarri du Iruñeko Udalak; besteak beste, hobitik aterako dira Emilio Mola eta Jose Sanjurjo 1936ko kolpe militarraren protagonista izan ziren jeneralen gorpuzkiak.

Joseba Asiron Iruñeko Alkateak eta Paco Etxeberria auzi-medikuak, EHUko irakasleak eta Aranzadi Zientzia Elkarteko presidenteak  eman dute albistea, goizean hedabideen aurrean egin duten agerraldian. Bertan jakinarazi dutenez, azaroaren 16an aterako dituzte gorpuzkiak, eta Etxeberriak zuzenduko du prozesua.

"Duela zenbait hilabete, Udala jarduketa hori egin ahal izateko beharrezko gestioak egiten aritu da, erabateko diskrezio eta errespetuarekin, eta horrekin Oroimen Historikoari buruzko Legea bete nahi dugu, eta, jakina, gure hirian aspaldidanik dagoen aldarrikapen sozial bati erantzun", esan du Asironek. Horren hitzetan,  "hau ez da errebantxismoa, ezta batzuen edo besteen alde egitea, indarrean dagoen legea betetzea da, eta gure historiaren parte batekin justizia egitea, egoera hau ezin baita denboran gehiago luzatu, eta ez baitugu ulertzen zergatik gaur egun arte ez den hilerri hau itxi".

Bi jeneral horien gorpuzkiak eta beste sei militarrenak daude hilobiratuta Eroritakoen Monumentuko kriptan. Denak aterako dituzte.

'Diskrezioa eta errespetua'

Alkateak esan duenez, gorpuzkiak hilobitik ateratzeko, egiaztatzeko eta dokumentatzeko lanak egin eta gero, senitartekoei emango zaizkie, kripta hilerri gisa itxita. "Duela zenbait hilabete, Udala jarduketa hori egin ahal izateko beharrezko gestioak egiten aritu da, erabateko diskrezio eta errespetuarekin, eta horrekin Oroimen Historikoari buruzko Legea bete nahi dugu, eta, jakina, gure hirian aspaldidanik dagoen aldarrikapen sozial bati erantzun", zehaztu du Asironek.

Hau zure interesekoa bada, baliteke beste gai hauek ere izatea
Berriak Politika Iruñea gaur Nafarroako albisteak Joseba Asiron Eguneko albisteak Gaurko azken ordukoa Frankismoa Paco Etxeberria Memoria historikoa albisteak Aranzadi Zientzia Elkartea gaur