Politika -
Valentzia
12 lagun atxilotu dituzte eskuin muturrak Valentzian egindako erasoengatik
Urriaren 9an, Valentziako Diada egunean, hainbat eraso egin zituzten eskuin muturreko taldeek. Eraso horiekin lotuta egin dituzte atxiloketak.
Agentziak | Erredakzioa
Espainiako Poliziak beste hiru lagun atxilotu ditu arratsalde honetan Valentzian, urriaren 9ko manifestazioan eskuin muturreko taldeek egindako erasoekin lotuta. Orotara, hamabi pertsona atzeman dituzte.
Valentziako Diada egunean eskuin muturrak eragindako istiluak argitzeko, ikerketa abiarazi zuen Valentziako Fiskaltzak ofizioz.
Juan Carlos Moragues Espainiako Gobernuak erkidego horretan duen ordezkariak joan den astean helarazi zion fiskalari ikerketaren lehendabiziko txostena, baita identifikatutako erasotzaileen izenak ere.
Horrez gain, errefuxiatuei laguntzeko Espainiako sareak eta Intolerantziaren kontrako Mugimenduak salaketa bana jarri dute, Fiskaltzak aipatu erasoak iker ditzan.