Politika -
Zaragozara
Otegi Navalcarnerotik Zuerara eraman dute
Iazko urritik dago kartzelan Arnaldo Otegi. Batasunaren Mahai Nazionala berrosatu nahi zuelakoan atzeman zuten 2009ko urriaren 13an, hainbat kiderekin batera. ETAren esanetara aritzea leporatu zieten.
Erredakzioa
Arnaldo Otegi Batasuneko bozeramaile ohia Zuerako espetxera (Zaragoza) mugitu dute Navalcarnerotik (Madril), Berriak jakinarazi duenez. Duela gutxi Logroñoko espetxean zegoen, baina azken epaiketa zela eta Navalcarnerora eraman zuten.
Iazko urritik dago kartzelan Arnaldo Otegi. Batasunaren Mahai Nazionala berrosatu nahi zuelakoan atzeman zuten 2009ko urriaren 13an, hainbat kiderekin batera. ETAren esanetara aritzea leporatu zieten.
Joan den martxoan Angela Murillo Espainiako Auzitegi Nazionaleko epaileak bi urteko kartzela zigorra eta hamasei urteko gaitasungabetzea jarri zion, Jose Mari Sagardui Gatza euskal presoa aska zezatela eskatuz 2005eko uztailaren 9an Zornotzan egindako ekitaldian esandakoengatik. Epaiaren arabera, "inolako zalantzarik gabe, terrorismoa goratu" zuen. Defentsak Gorenera joa du; beraz, epaia ez da irmoa oraindik.
