Politika -

ALTSASU AUZIA

Barkosek uste du atzo Iruñean izandako manifestazio erraldoiak erantzuna behar duela

Atzo 80.000 lagun kalera irten eta gero, Nafarroako presidenteak esan du mobilizazio horrek agerian utzitakoa ukaezina dela eta ardura publikoa duen edonork erantzun egin beharko lukeela.

Barkos presidentea, gaur, komunikabideen aurrean. Argazkia: EFE
Barkos presidentea, gaur, komunikabideen aurrean. Argazkia: EFE
Barkos presidentea, gaur, komunikabideen aurrean. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

Uxue Barkos Nafarroako Gobernuko presidenteak esan du atzo Altsasuko zortzi gazteen epaia salatzeko nahiz justizia eskatzeko Iruñean egindako manifestazioak agerian utzitakoa "ukaezina" dela. Izan ere, 80.000 lagun bildu ziren manifestazioan, antolatzaileen esanetan.

"Ardura publikoa duen edonork manifestazio horretan eskatutakoa errespetuz entzun eta erantzun" behar duela ere gaineratu du Barkos presidenteak.

Halaber, gogora ekarri du "justizia eta proportzionaltasuna" eskatu zirela, "ez inpunitatea".

PPNk egindako kritikengatik galdetuta -"Justiziaren kontrako manifestazio bat babesteagatik", Barkosek ez duela "bere kargua merezi" esan zuten- presidenteak erantzun du ez dela alderdi popularra "honelako eskaerak egiteko alderdirik egokiena".

Hau zure interesekoa bada, baliteke beste gai hauek ere izatea
Politika Iruñea Nafarroa Uxue Barkos Epaiketak Eguneko albisteak Albisteak Manifestazioak