Publizitatea
X

Irratia zuzenean

Alderdi politikoak eta biktimak, Setien gotzainari buruz; 2018ko uztailak 10

Politika

Heriotza

Setienen figura goraipatu eta kritikatu dute alderdi politikoek eta biktimek

Agentziak | Erredakzioa

2018/07/10

“Bere hitzek batzuetan sortzen zuten onespen eza ikusita sufritzen zuen”, adierazi du EAJk. “Euskal Herrian elkarrizketaren eta bakearen aldeko apustua egin zuen beti”, goraipatu du EH Bilduk.

  • Jose Maria Setien Donostiako gotzain emeritua. Argazkia: EFE

    Jose Maria Setien Donostiako gotzain emeritua. Argazkia: EFE

    Jose Maria Setien Donostiako gotzain emeritua. Argazkia: EFE
  • Whatsapp
  • Bidali

Andoni Ortuzar EAJko presidentearen hitzetan, Jose Maria Setien Donostiako gotzain emerituak “bere hitzek edo jarrera pastoralek batzuetan sortzen zuten onespen eza ikusita sufritzen zuen”. “Setien monsinorea bere garaiko gizon bat izan da, aldaketaz beteriko garai gogorra; jarrera argia izan zuen beti -gustatu ala ez-  bere uste sendoetatik abiatuta”, azpimarratu du Ortuzarrek.

Gotzain emerituaren lana goraipatu du Maddalen Iriarte EH Bilduren Eusko Legebiltzarreko bozeramaileak, Gipuzkoako eliztarren “babesa lortu zuelako”. “Euskal Herrian elkarrizketaren eta bakearen aldeko apustua beti egin zuen gizon atsegina eta xaloa” izan zela nabarmendu du Iriartek.

ETAren aurrean izan zuen jarreragatik, bertako elizan “aro bat markatu zuen figura historikoa” izan dela azaldu du Alfonso Alonso Euskadiko PPren presidenteak. Alonsoren ahotan, “ez da kritiketan sakontzeko eguna, baina nire ustez, terrorismoaren biktimak ulertzea falta izan zitzaion”. Hala ere, “Euskadin eliza bizirik mantentzeko” egin zuen esfortzu erlijiosoa goraipatu du Alderdi Popularreko buruzagiak.

Bestalde, Eduardo Madina PSOEko diputatu ohiak prelatuaren heriotza hizpide izan du Twitter sare sozialean: “Jose Maria Setien Donostiako gotzaina hil egin da. Erlijioa politika zela eta politika erlijioa zela uste zuen. Goian bego”. Madinak hanka bat galdu zuen 2002an, ETAk egindako eraso batean.

Consuelo Ordoñezek gogorarazi duenez, bere anaiak ikasketak amaitu eta egunkari batentzako egin zuen aurreneko elkarrizketa Setien gotzainari egin zion, eta “minutu bateko” iraupena izan zuen. “Lehen galdera hauxe izan zen: Jainkoan sinesten duzu? Atea seinalatu zion”, azaldu du txio batean Gregorio Ordoñez Donostiako alkateordea zenaren arrebak.

 

Iruzkinak

Publizitatea
  • Publizitatea
    NAHIERAN Ikusi berriro ETBko albistegiak NAHIERAN
    Erreportajeak Aktualitateari buruzko elkarrizketak. Erreportajeak
    Publizitatea
    Publizitatea

    Bisitatuena

      Kargatzen ikusiena
          Kargatzen ikusiena