Politika -

Europako Hauteskundeak

Hauteskundeetatik harago, elkarlanari eutsi nahi diote ERCk, EH Bilduk eta BNGk

Europako hauteskundeetara koalizioan aurkeztuko dira hiru alderdiak. Oriol Junqueras izango da 'Orain Errepublikak' ezkerreko soberanisten hautagaitzako zerrendaburua.

'Orain Errepublikak' koalizioaren aurkezpena Bilbon. Argazkia: EFE
'Orain Errepublikak' koalizioaren aurkezpena Bilbon.
'Orain Errepublikak' koalizioaren aurkezpena Bilbon. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

ERC, EH Bildu eta BNG 'Orain Errepublikak' koalizioaren baitan aurkeztuko dira Europako hauteskundeetara, baina elkarlanari jarraipena ematea da haien helburua.

Hala adierazi dute ezkerreko soberanisten hautagaitza bateratua aurkezteko Bilbon egin duten ekitaldian.

Koalizioaren zerrendaburua Oriol Junqueras izango da. Egun preso dago, Kataluniako buruzagi independentisten aurkako auzia dela eta. EH Bilduko Josu Juaristi, BGNko Ana Miranda eta ERCko Diana Riba ere izango dira hautagaitzan.

Ribak "Estatuan eta Europa osoa ematen ari den inboluzioaz" ohar daitezela eskatu die demokrata guztiei.

Ildo horretan, Juaristik azpimarratu du "Estaturik gabeko nazioetako indar soberanistak elkartzeko eta lankidetza sendotzeko" unea dela, Espainian nahiz Europan.

Koalizioak erabakitzeko eskubidea "irmotasunez" aldarrikatuko du eta "Estatu espainiarreko demokrata guztien" babesa eskatu du, "inboluzio demokratikoari, errepresioari, eskubide politiko eta zibilen urraketari, prekarietateari, matxismoari eta gorrotoari aurre egiteko".

Hau zure interesekoa bada, baliteke beste gai hauek ere izatea
Politika Europako Parlamenturako Hauteskundeak 2024 Alderdi politikoak albisteak EH Bildu Eguneko albisteak Gaurko azken orduko albistea Oriol Junqueras albisteak Hauteskundeak