Politika -
PP
Celia Villalobosek politika utziko du
PPko diputatuak Kongresuko eserlekua utziko du legealdia amaitzean.
Agentziak | Erredakzioa
Celia Villalobos PPko diputatuak Kongresuko eserlekua utziko du legealdia amaitzean, Efe albiste-agentziak zabaldu duenez. Toledoko Itunaren Jarraipen eta Akordioen Ebaluazio Batzordearen presidentea da Villalobos. Halaber, Aurrekontu zein Lan, Migrazio eta Gizarte Segurantza batzordeetako kidea da.
Politika munduan sartu zenetik, ibilbide luzea egin du PPko kideak, baina horri amaiera ematea erabaki du.
Abuztuan, Kongresuko Diputazio Iraunkorretik baztertu zuten Malagako diputatua, 1989tik bertan egon ostean. Pablo Casado PPko presidentetzara heldu eta hilabetera hartu zuten erabaki hori, Villalobosek Soraya Saenz de Santamariaren hautagaitza babestu ondoren.