Aberri Egunean eskuina 'geldiarazteko' deia egin du Arnaldo Otegik

Aurtengo Aberri Egunean, Iruñean, eskuina "geldiarazteko" olatu antifaxista, sozialista, independentista eta feminista osatzeko deia egin du Arnaldo Otegi EH Bilduko koordinatzaile nagusiak. 

"EH Bildu erabakigarria da autogobernua defendatzeko, eskubide sozialen alde eta faxismoaren aurka", adierazi du Arnaldo Otegik EH Bilduk gaur Iruñean egin duen Aberri Egunaren aurkezpen ekitaldian.

"Antifaxistak, errepublikarrak, independentistak, autodeterminazioaren, feminismoaren, berdintasunaren eta langileen aldekoak batu gaitezen Iruñean", eskatu du.

EH Bilduk Iruñean ospatuko du aurten Aberri Eguna, Otegiren esanetan, "gure proiektu nazionalaren erdigune geografikoa eta politikoa delako".