Kataluniako Justizia Auzitegi Nagusiak Torra auzipetu du, lazo horien auziaren baitan

Desobedientzia delitua egotzi dio Hauteskunde-batzorde zentralak eraikin publikoetako lazo eta esteladak kentzeko agindua ez betetzeagatik.

Generalitatearen Jauregian jarritako pankarta lazo horiarekin. Artxiboko argazkia: EFE

AGENTZIAK | ERREDAKZIOA

publikatuta: 2019/06/27 12:25 (UTC+2)

azken eguneratzea: 2021/12/23 10:21 (UTC+1)

Kataluniako Justizia Auzitegi Nagusiak Quim Torra Generalitateko presidentea ikertuko du, lazo horien auzian desobedientzia delitua egin duelakoan.

Kataluniako Justizia Auzitegi Nagusiak agiri batean jakinarazi duenez, instrukzio-epaileak Fiskaltzak abiatutako kereilaren izapideak bukatu ditu eta prozedura laburtuko jarduketak abiatu ditu.

Horrenbestez, ahozko epaiketa irekitzeko edo prozesua largestea eskatzeko eskatu die Auzitegi Nagusiak alderdi biei.

Bestalde, Generalitateko presidentearen abokatuak aurretik aurkeztutako largespen-eskaera bertan behera utzi du Zibileko eta Zigor-arloko Salako epaileak.

Torrak maiatzean deklaratu zuen auzi berarengatik Kataluniako Justizia Auzitegi Nagusian.

Hau zure interesekoa bada, baliteke beste gai hauek ere izatea

Katalunia Politika Europako hauteskundeak Hauteskunde orokorrak Pere Aragonès Kataluniako prozesua zuzenean Udal eta foru hauteskundeak 2023 Hauteskunde Orokorrak Emaitzak Kataluniako Generalitatea

Kataluniako Justizia Auzitegi Nagusiak Torra auzipetu du, lazo horien auziaren baitan

Esteka kopiatuta