Mikel Karrera ETAko presoa auzipetu dute, Gimenez Abad PPko senatariaren hilketagatik

Santiago Pedraz Auzitegi Nazionaleko epaileak Karrera Sarobe auzipetu du, PPko senatariaren aurkako tiroaren egilea izan zelakoan.

Mikel Karrera Sarobe Auzitegi Nazionalean epaitu zuteneko irudia. Artxiboko argazkia: EFE

AGENTZIAK | ERREDAKZIOA

azken eguneratzea: 2019/09/27 15:32 (UTC+2)

Auzitegi Nazionalak Mikel Karrera Sarobe ETAko presoa auzipetu du, Manuel Gimenez Abad PPko senatariaren hilketagatik.

Santiago Pedraz Auzitegi Nazionaleko epaileak auzipetu du, PPko senatari eta Aragoiko Alderdi Popularreko presidente ohiaren aurkako tiroaren egilea izan zelakoan. 2001eko maiatzaren 6an, Gimenez Abad eta haren 16 urteko semea Zaragozako La Romareda estadiora zihoazela hil zuten politikari popularra.

Bere autoan, magistratuak abokatu bat izendatzeko eskatu dio Karrera Saroberi, Europako ikerketa agindu baten bitartez, auzipetzea bideokonferentzia bidez jakinarazteko.

Karrera Sarobe 2010ean atxilotu zuten Baionan, eta bi heriotza-zigor betetzen ari da Frantzian. Karrera Sarobe ETAko presoa Lannemezango espetxera hurbildu du aurten Frantziako Gobernuak.

Hau zure interesekoa bada, baliteke beste gai hauek ere izatea

Auzitegi Nazionala berriak Politika Albisteak Alderdi Popularra Presoak Frantzia berriak ETA gaur Epaiketak Eguneko albisteak Albisteak Espetxe politika Terrorismoaren Biktimak Senatua albisteak

Mikel Karrera ETAko presoa auzipetu dute, Gimenez Abad PPko senatariaren hilketagatik

Esteka kopiatuta