Politika -
Negoziazioak
Sanchezekin 'EAE entregatzeko' biltzea leporatu dio Alonsok Ortuzarri
Alfonso Alonso EAEko PPko presidenteak deitoratu du "zalantza" ez dela hauteskundeak egongo diren ala Gobernu berri bat eratuko den, baizik eta "aukera horietako zein da txarragoa".
Agentziak | Erredakzioa
Alfonso Alonso EAEko PPko presidenteak Andoni Ortuzar EAJren EBBko presidenteari leporatu dio aste honetan Madrilera joatea Pedro Sanchez Espainiako Gobernuko jarduneko presidentearekin biltzeko "Euskal Herria PSOEk eta Podemosek maila nazionalean erabakitzen dutenari entregatzera".
Gainera, Alonsok ohartarazi du sozialisten liderrak "akordiorako eta hitzarmenerako gaitasunik" ez izateak ekarriko duela hauteskundeak errepikatzea edo "blokeo egoera bat, desleialtasunean oinarritutako gobernu batekin".
Euskal popularren ikasturte politikoari hasiera eman dion ekitaldian, Alonsok Estatuan dagoen "blokeo eta paralisi" egoera deitoratu du, "ziurgabetasuna" eragiten duelako. Zentzu horretan, "zalantza" ez da hauteskundeak egongo diren ala Gobernu berri bat eratuko den, baizik eta "aukera horietako zein den txarragoa".
Bere ustez, "fantasmak eta mehatxuak" sortzen ditu oraingo "ahultze ekonomikoak", eta horregatik galdetu du zein den txarragoa: "gobernu txar bat, ezinezkoak diren eta bazkideen arteko desleialtasunean oinarritutako politikekin" ala "hauteskundeak errepikatzearen porrota".
Sanchez apirilaren 28tik "hauteskunde kanpainan" dagoela kritikatu du Sanchezek, eta "akordiorako eta hitzarmenerako gaitasunik" ez izatea deitoratu du. Beste aldean, Alderdi Popularraren jarrera baloratu du, hauteskundeak irabazi dituen lekuetan "gure arteko desberdintasunak ditugun alderdiekin" itauntzea lortu duelako.
Testuinguru horretan, Ortuzarrek Sanchezi berriki egindako bisita kritikatu du, berez ustez "irudi tristea" eragin zuelako.
"Hemen agintzen duen alderdia PSOEren egoitzara joan zen PSOE eta Podemosen artean akordio bat egon dadin. Lortu dezaketen akordioaren menpean jartzera eta Euskal Herria PSOEk eta Podemosek maila nazionalean erabakitzen dutenera entregatzera", salatu du.
Gainera, ohartarazi du "kontraesana" dela "jeltzaleak politika liberalak edo zentro-eskuinekoak eskatzen dituzten hautesleei zuzentzea eta gero boto horiek PSOEren eta Podemosen esku uztea".
