Xabier Goienetxea presoa Mont-de-Marsango espetxera lekualdatu dute

Goienetxea Fresnesen zegoen preso, Euskal Herritik 800 kilometro baino gehiagora. Oraingoz, 25 euskal preso eraman dituzte Mont-de-Marsan eta Lannemezango kartzelatara.

Euskal presoen alde urtarrilean Bilbon egin zuten manifestazioa. Artxiboko argazkia: EFE

AGENTZIAK | ERREDAKZIOA

azken eguneratzea: 2019/09/11 17:36 (UTC+2)

Xabier Goienetxea Iragorri presoa Fresneseko espetxetik Mont-de-Marsango kartzelara lekualdatu dute Frantziako agintariek, Etxerat elkarteak jakinarazi duenez.

Goienetxea 2015eko uztailaren 7an atxilotu zuten Ossesen, Iñaki Retarekin batera, ETAko kide izatea egotzita. ETAk 2011n eman zuen amaitutzat bere jarduera armatua, 2017an armagabetu zen eta 2018an jakinarazi zuen bere behin betiko desegitea.

Fresneseko espetxea Paris hegoaldea dago, Euskal Herritik 800 kilometro baino gehiagora. Goienetxea orain Mont-de-Marsanen egongo da, etxetik 140 kilometro ingurura.

2018ko otsailaz geroztik, Frantziak 25 euskal preso lekualdatu ditu Mont-de-Marsan eta Lannemezango espetxeetara.

Hau zure interesekoa bada, baliteke beste gai hauek ere izatea

Politika Presoak Frantzia ETA Eguneko albisteak Albisteak Espetxeak

Xabier Goienetxea presoa Mont-de-Marsango espetxera lekualdatu dute

Esteka kopiatuta