Bea Fanjul (PP): 'Harro nago EAJri eserlekua kendu diodalako'

Atzerrian bizi diren hautesleen botoak Alderdi Popularrari eman dio diputatua, EAJren kaltetan. Fanjulen ustez, "nazionalismoa baztertzailea da".

Bea Fanjul, Alfonso Alonso eta Raquel Gonzalezekin batera. Argazkia: @PPVasco

Radio Euskadi | Erredakzioa

publikatuta: 2019/11/14 08:28 (UTC+1)

azken eguneratzea: 2019/11/14 08:58 (UTC+1)

EAJk Bizkaiko zazpigarren diputatua galdu eta hura PPren mesedetan joan ostean, Bea Fanjul Alderdi Popularraren diputatu berria elkarrizketatu dute Radio Euskadiko "Ganbara" saioan.

Ordezkaritza irabazi berritan, pozik agertu da Fanjul: "Harro nago EAJri eserlekua kendu diodalako". Haren ustez, jeltzaleek "bi aurpegi dituzte; hauteskundeetan moderatu gisa janzten dira, baina gero Bilduri ematen diote eskua euskal gizartea zatitzen duen Estatutu proiektu bat inposatzeko".

Fanjulek nabarmendu duenez, "nazionalismoa baztertzailea da", eta horri aurre egiteko, eta bereziki EH Bilduri, joango da Kongresura. Era berean, Pablo Casado PPko buruzagiari eskerrak eman dizkio emandako konfiantzagatik.

Gogorazi duenez, EAEko PP da apirileko hauteskundeekin alderatuta botoetan gehien hazi den alderdia.

________________________

Jatorrizko informazioa Radio Euskadik landu eta eitb.eus-ek itzuli du.

Hau zure interesekoa bada, baliteke beste gai hauek ere izatea

Diputatuen Kongresua Politika Azken ordukoa Bizkaia Hauteskunde orokorrak Alderdi politikoak Euskadiko PP Eguneko albisteak Albisteak Hauteskundeak Pablo Casado albisteak Hauteskunde Orokorrak Emaitzak Senatua

Bea Fanjul (PP): 'Harro nago EAJri eserlekua kendu diodalako'

Esteka kopiatuta