Politika -
Ekainaren 15az geroztik
Euskadiren eta Kantabriaren arteko mugikortasuna ziurtzat jo du Revillak
Euskadik eta Kantabriak eskaera ofiziala egingo diote Espainiako Osasun Ministerioari datorren asteartean, mugikortasun hori "funtsezkoa baita eskualdeko turismorako".
AGENTZIAK | ERREDAKZIOA
Miguel Angel Revilla Kantabriako presidenteak ziurtzat jo du ekainaren 15etik aurrera herritarren mugikortasun askea izango dela Euskal Autonomia Erkidegoaren eta Kantabriaren artean, Espainiako Osasun Ministerioari ofizialki eskaera egin ostean. Bi erkidegoek komunikabideen aurrean egindako eskaera da, Revillaren hitzetan, "funtsezkoa baita eskualdeko turismorako".
Igande honetako presidenteen bideokonferentzian parte hartu du Revillak eta, geroago azaldu duenez, Pedro Sanchez Espainiako presidenteak hitzeman du, datorren asteartean formalki eskatuz gero, mugakide diren bi erkidego horien arteko zirkulazioa baimenduko duela.
Kantabriako Gobernuko buruak egintzat eman du mugikortasun hori ekainaren 15az geroztik. "Grabatuta dago, presidentea irmo izan da. Eskaera jaso bezain laster, alarma egoera bertan behera utziko dute alor horretan. Nik ez daukat zalantzarik, presidente guztien aurrean esan du", azpimarrratu du Revillak.
