Politika -

Bizkaia

EH Bildu, 'Alonsotegi' auziaz: "Jada ez da usteldutako sagar bat bakarrik"

"Askoz ere larriagoa da", esan du Jasone Agirre legebiltzarkideak, herriko bi alkate ohiri ahozko epaiketa egingo dietela jakin ostean.

Jasone Agirre, ostiral honetan, Bilbon. EiTBren bideo batetik hartutako argazkia.
Jasone Agirre, ostiral honetan, Bilbon
Jasone Agirre, ostiral honetan, Bilbon. EiTBren bideo batetik hartutako argazkia.

Agentziak | Erredakzioa

Whatsapp Facebook Twitter Telegram Email

Alonsotegiko EAJko bi alkate ohiri, ustezko ustelkeria-jokaerengatik, ahozko epaiketa egingo dietela jakin ostean, Jasone Agirre EH Bilduko legebiltzarkideak esan du "jada" ez dela "usteldutako sagar bat bakarrik, baizik eta askoz ere larriagoa den zerbait".

Bilbon komunikabideei egindako adierazpenetan, Agirrek gogora ekarri du auzi judiziala bere alderdiak eskatuta abiatu zutela; EH Bilduk aurkeztu zuen salaketa, bi alkateren ustezko ustelkeria-delituengatik, balizko delitu horiek ikertuta eta frogak aurkeztuta.

"Alde batetik, pozten gaitu", gehitu du, "baina, beste alde batetik, albiste oso tristea iruditzen zaigu, uste baitugu herrialde honek ez duela merezi honelako kudeaketarik. Ez da kasu bakarra, pilatzen ari dira". Agirrek, horrela, hauei egin die aipamena: 'De Miguel' auziari, Balenciaga Museokoari, Karrantzako minda-plantakoari, eta 'Montai' izenekoari.

Nabarmendu duenez, "EH Bildun ehunka kargu publiko ditugu, eta ez da ustelkeria-kasurik izan. Batzuetan, hanka sartzen dugu; baina eskua inoiz ez dugu sartu", azpimarratu du.

Agirrek esan du "herrialde honetan, birsorkuntza demokratikoa" izan beharko litzatekeela, hori aldeztu egin du: "Ustelkeriaren aurka, ez da tolerantziarik izan behar", amaitu du.

Hau zure interesekoa bada, baliteke beste gai hauek ere izatea
Politika Zer gertatu da gaur Bizkaian? Euskal Autonomia Erkidegoa Iruzurrak berriak Epaiketak albisteak Ustelkeria politikoa azken albisteak Ustelkeriaren mapa politika EH Bildu Bizkaia Eguneko albisteak Albisteak