Politika -
PRIMARIOAK
Pilar Garrido aukeratu dute Elkarrekin Podemoseko koordinatzaile
Primarioetan parte hartu dutenen % 84,1ek egin du Garridoren alde. Maria Luisa Gadeak % 15,9enn babesa jaso du.
AGENTZIAK | ERREDAKZIOA
Pilar Garrido (Badajoz, Espainia, 1966) aukeratu zuten Elkarrekin Podemoseko koordinatzaile nagusi berri, atzo egindako primarioetan, botoen % 84,1ekin.
Orotara, 1.371 boto jaso ditu Garridok, eta lehian parez parez izan duen Maria Luisa Gadeak, berriz, 260 ( % 15,9). Roberto Uriartek, Nagua Albak eta Lander Martinezek izan dute ardura hori azken urteotan.
Pablo Iglesias Podemoseko idazkari nagusiaren ildokoa, gaur eguerdian emango du, agerraldi telematiko batean, Elkarrekin Podemosentzat duen proiektuaren berri.
2016an ere aurkeztu zuen bere hautagaitza Garridok, baina orduan Nagua Albak irabazi zion.
Espainiako Kongresuan Podemoseko diputatua da Gipuzkoatik, eta politika sozialetarako arduraduna ere bada alderdi morearen herritarren kontseiluan. Azken ardura hori utzi egingo du, orain, koordinatzaile lanak egiteko.
