Itxi

2020/08/04

09:15

Politika

Errege emeritua

Juan Carlos I.ak Errege Familiako kide izaten jarraitzen du, errege izaerarekin

agentziak | erredakzioa

Errege emerituak forupekoa izaten jarraitzen du, eta, beraz, Auzitegi Gorenak 2014ko ekainean abdikatu ondoren egindako delituengatik baino ezin izango luke epaitu.

  • Juan Carlos I.a, Espainiako errege emeritua.

    Juan Carlos I.a, Espainiako errege emeritua. Argazkia: Espainiako Errege Etxea

  • Whatsapp
  • Whatsapp
  • Telegram
  • Bidali

Juan Carlos I.ak Errege Familiako kide izaten jarraituko du eta abdikazioaren ondoren onartu zitzaion errege titulua mantenduko du; beraz, bere errege izaera orain arte bezala mantentzen jarraituko du, Espainiatik kanpo bizitzera joateko erabakia hartu duen arren, Errege Etxeko iturriek jakitera eman dutenez.

2014ko ekainean, tronua Felipe semearen esku uztea erabaki zuenean, Espainiako Gobernuak dekretu bat onartu zuen, aurreko estatuburuak errege titulua biziarteko eta ohorezko izaerarekin mantenduko zuela ezartzen zuena, "maiestate" tratamenduarekin. Hain zuzen ere, "Espainiari hainbat hamarkadatan emandako zerbitzuengatik esker ona islatzea" zuen helburu erabaki horrek.

Halaber, Errege Familiako kide bezala mantentzen zen, Sofia erregina bezala, iazko ekainean bizitza publikotik eta jarduera instituzionaletik aldentzea erabaki zuen arren.

Juan Carlosek betetzen jarraitzen duen beste kargu bat erreserbako Indar Armatuetako kapitain jeneralarena da, eta baldintza hori bere semeari Armadetako buruzagi gorenaren papera eman zionean hartu zuen.

Izaera juridikoari dagokionez, Juan Carlos I.ak forupekoa izaten jarraitzen du, eta, beraz, Auzitegi Gorenak 2014ko ekainean abdikatu ondoren egindako delituengatik baino ezin izango luke epaitu.

Errege emeritua, forudun izatera pasa zen, bere estatuburu karguak ematen zion bortxaezintasuna galdu zuenean.

Martxoaren 15ea, Felipe VI.ak aitari ematen zion aurrekontuaren zatia kentzea erabakizuen, herentziari uko egin zion aldi berean.

  • Bisitatuena

      Kargatzen ikusiena
      Kargatzen ikusiena
    ;