Politika -

Legealdi berria

Jaurlaritza berriak 11 sail izango ditu, aurreko legealdian adina

Bi lehendakariorde izango dira: bata jeltzalea, eta, bestea, sozialista (Mendia). Beltran de Herediak Segurtasun Saila utziko du senatari izateko eta Sonia Perez sozialistak ere ez du jarraituko.

Urkullu, Ortuzar eta Mendia, koalizio gobernua sinatzen. Argazkia: EFE
Jaurlaritza berriak 11 sail izango ditu, aurreko legealdian adina
Urkullu, Ortuzar eta Mendia, koalizio gobernua sinatzen. Argazkia: EFE

AGENTZIAK | ERREDAKZIOA

Whatsapp Facebook Twitter Telegram Email

EAJk eta PSE-EEk koalizioan osatutako Eusko Jaurlaritza berriak 11 sail izango ditu, hamaikagarren legealdian adina. Sailburu berrien izenak larunbatean jakingo badira ere, Radio Euskadiko iturriek baieztatu dute Iñigo Urkulluren gobernu berriak bi lehendakariorde izango dituela. Bata EAJkoa izango da, eta bestea, berriz, PSE-EEkoa. Gauza jakina da, beraz, Idoia Mendia lehendakariorde izango dela. 

Jaurlaritzako iturriek gaur bertan baieztatu dute Iñigo Urkulluren gobernu berriaren sail kopurua, baina lehendakariak ez du ostegunera arte kargua hartuko. Horrela, Legebiltzarrean gehiengo osoa izango dute, jeltzaleek eta sozialistek osatutako koalizioari esker: EAJ (31), PSE-EE (10). Alegia, 41 parlamentari izango dituzte guztira.

Esan bezala, bi alderdiek akordioa sinatu zuten koalizioan gobernatzeko. Horixe bera egin zuten aurreko legealdian ere.

Asteazken honetan sail kopurua zehaztu badute ere, ez dute xehetasun gehiagorik eman. Hortaz, argitu gabe dago oraindik sail bakoitza nork zuzenduko duen eta Urkulluk lehendakariorderik izendatuko duen ala ez.

Bi irteera gutxienez

Ostegun honetan jakin denez, Estefania Beltran de Herediak ez du Segurtasun sailburu izaten jarraituko, EAJk senatari izateko proposatu baitu. Beltran de Herediak lekukoa hartuko dio Jokin Bildarratzi (2012tik izan da kargu horretan).

Beltran de Herediak Eusko Jaurlaritza utziko du senatari autonomiko izateko
Beltran de Herediak Eusko Jaurlaritza utziko du senatari autonomiko izateko
Beltran de Herediak Eusko Jaurlaritza utziko du senatari autonomiko izateko

0:33

Horrez gain, Sonia Perez sozialistak ez du Turismo Sailean jarraituko.

Hasiera batean, larunbatera arte, hots, karguaren zina egin arte, ez dira kontu horiek argituko.

Sailburuen zina, berriz, irailaren 8an (asteartea) izango da, eta egun berean hamabigarren legealdi honetako lehen gobernu bilera egingo dute.

Hau zure interesekoa bada, baliteke beste gai hauek ere izatea
Politika EAJ-PNV Iñigo Urkullu Eusko Jaurlaritza Euskal Autonomia Erkidegoa PSE-EE Eguneko albisteak Albisteak