Publizitatea
Itxi

2021/01/18

10:22

Politika

Juan Mari Aburto

Aburto: "Asteazkenean Bilbo eremu gorrian sar liteke"

A. S. | EITB MEDIA

Bilboko alkateak esan du zaila dela eguna hobeto hastea eta oso garrantzitsua dela Athleticek Superkopan lortutako garaipenarekin esnatzea, aldartea hobetze aldera.

1:35
Koronabirusa Bilbon. ETBren bideo batetik ateratako irudia.
  • Whatsapp
  • Whatsapp
  • Telegram
  • Bidali

Juan Mari Aburto Bilboko alkateak Radio Euskadiko "Boulevard informativo" saioan egindako elkarrizketa batean iragarri duenez, Bizkaiko hiriburua asteazken honetan bertan sar daiteke eremu gorrian; hau da, koronabirusaren kutsatze handiko gune bihur daiteke.

Etxeratze-aginduaz haratago edo pandemia geldiarazteko murrizketak errespetatu gabe egindako bileren inguruan galdetuta, Aburtok esan du "pertsona batzuek ez dutela ulertzen zein den dugun egoera, eta jokabide horren aurrean, irmotasun poliziala eta bete beharreko neurriak daudela". Horren harira, Bilbon soilik 6.500 isun jarri dituztela ziurtatu du.

Bilbo astezkenean eremu gorrira sartuz gero, "udara arteko hobekuntza" espero du Bizkaiko hiriburuko alkateak.

Athletic

Athletic-ek Superkopan lortutako garaipenari buruz esan du, oso garrantzitsua dela jendearentzat, aldartea hobetze aldera, gisa honetako albisteak jasotzea"; izan ere, "askotan galdetu izan diet zinegotziei, ia noiz hasiko den albiste onen bolada", esan du Aburtok.

Hain zuzen ere, klub zuri-gorriari udaletxean egingo zaion harreraren harira, Aburtok azpimarratu du ez dela "zaleentzat zabalik" izango, eta Udaleko kide guztiak ere ez direla bertan izango", alkatearen arabera, "ekitaldi sinbolikoa" izango baita. Dena dela, jarraitzaileei gogorarazi die Internet bidez ere jarraitu ahal izango dela, mundu guztiak modu seguruan gozatzeko.

Ildo horretan, kaleko ospakizunak saihesteko deia egin du, eta Bilbon gaur gaua "eredugarria" izan dela aurreratu du; izan ere, etxeratze-aginduari muzin egin eta kalera irten direnen kargu-hartzeak gutxi izan dira.

Jatorrizko informazioa Radio Euskadik landu eta eitb.eus-ek itzuli du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.
  • Bisitatuena

      Kargatzen ikusiena
      Kargatzen ikusiena