Publizitatea
Itxi

2021/01/27

13:33

Politika

Presoak

Troitiñok kimioterapia utzi nahi du espetxeratzearekin "bateraezina" delako

EiTB MEDIA | AGENTZIAK

Etxeraten arabera, Troitiñoren osasun egoerak nabarmen egin du okerrera, eta lau aldiz eraman behar izan dute Estremerako kartzelatik ospitalera azkenaldian.

  • Antton Troitiño presoa

    Antton Troitiño presoa, Auzitegi Nazionalean. EFEren artxiboko argazkia

  • Whatsapp
  • Whatsapp
  • Telegram
  • Bidali

Antton Troitiño presoak bere abokatuari jakinarazi dio kimioterapia tratamendua utzi nahi duela espetxeratzearekin "bateraezina" delako, Etxeratek aurreratu duenez.

Auzitegi Nazionalak hirugarren gradua eman zion Troitiñori duela bi aste, gaixotasun larri eta sendaezina daukalako. Harrezkero, Estremerako kartzelan dago.

Tratamendu aringarri gisa, kimioterapia ematen diote preso donostiarrari, baina, abokatuari aditzera eman dionez, ez du horrekin jarraitu nahi, Etxeratek ohar baten bidez zabaldu duenaren arabera.

Antza denez, Troitiñoren osasun egoerak nabarmen egin du okerrera, eta lau aldiz eraman behar izan dute Estremerako kartzelatik ospitalera azkenaldian, kimioterapia hartzeko, jarraian espetxera itzuli behar izan bada ere.

Hori dela eta, aske geratu arte kimioterapia uzteko erabakia hartu du presoak "duintasunez, berme guztiekin eta familiakoak gertu dituela" jaso nahi duelako tratamendua.

  • Bisitatuena

      Kargatzen ikusiena
      Kargatzen ikusiena