Politika -
Bitartekariak
Currinen taldea euskal alderdi guztiak biltzen saiatuko da
"Nazioarteko Harreman Taldea" Euskal Herrian dago etorkizun hurbil batean euskal alderdi guztiek bakeaz eta normalizazioaz batzarra egitea helburu.
Erredakzioa
Brian Currin Hegoafrikako abokatua buru duen "Nazioarteko Harreman Taldea" Euskal Herrian dago etorkizun hurbil batean euskal alderdi guztiek bakeaz eta normalizazioaz batzarra egitea helburu.
Paul Rios Lokarriren koordinatzaileak atzo baieztatu zuenez, aipatu taldea bart iritsi da Bilbora eta Euskal Herrian egongo da ostirala arte bilera lotzeko kudeaketak egiten.
"Egiten dituzten bileren eta lanen erabateko diskrezioan laguntzen diegu", adierazi zuen atzo Riosek "Nazioarteko Harreman Taldea" osatzen duten sei kideen agendaz galdetu ziotenean.
Currinek sustatutako taldea 2010eko azaroan sortu zen "Euskal Herrian normalkuntza politikoa lortzeko prozesua arintzeko". Ezker abertzalea legeztatzearen eta euskal presoak hurbiltzearen alde agertu izan da, baina Espainiako Gobernuak ez dio egindako lana aitortzen.
ETAren su-etena Egiaztatzeko Nazioarteko Taldearengandik bereizita dago, baina lan egiteko modua antzeko da, aldebiko bilerena.
