Itxi

2022/01/13

13:14

Politika

NEGOZIAZIOAK

Sanchezek autogobernuarekin duen konpromisoa nabarmendu du Itxasok, eta presarik ez izateko eskatu

AGENTZIAK | EITB Media

Bizitzeko Gutxieneko Diru Sarreraren (BGDS) eskumena Euskadira iritsiko dela adierazi du, nahiz eta ez duen datarik zehaztu. Gai horren inguruan itxurarik ez egiteko eta tentsiorik ez eragiteko eskatu du, zeharka EAJri aipamena eginez.

  • Denis Itxaso

    Denis Itxaso

  • Whatsapp
  • Whatsapp
  • Bidali

Denis Itxaso Espainiako Gobernuak Euskadin duen ordezkariaren esanetan, Espainiako Gobernuak konpromiso "irmoa eta argia" du Gernikako Estatutuaren garapenarekin, eta adostutako transferentziak eskualdatzeko negoziazioak "biziak" izaten ari dira Eusko Jaurlaritzarekin. Hartutako konpromisoak atzeratzen ari direlako zabaldutako kritiken aurrean, presarik ez izateko eta "azken argazkiaren zain" egoteko eskatu du.

Gaur goizean Gasteizen eskaini duen prentsaurrekoan, legegintzaldi erdiko balorazioa egin du Denis Itxasok, eta Espainiako Gobernuak hartutako konpromisoetatik zeintzuk bete diren azaldu du.

Espainiako Gobernuak bere gain hartutako konpromisoen betetze-maila aztertu duen txostena aurkeztu du. Transferentzien inguruan aurrerapausorik ez dela izan diotenei erantzunez, Pedro Sanchezen gobernuak Euskadirekin duen "konpromisoa" nabarmendu du Denis Itxasok.

Gobernu ordezkariaren arabera, Espainiako Gobernuak konpromiso "irmo eta argia" du 1979ko Gernikako Estatutuarekin. "Egutegi bat badago, eta negoziazioak biziak dira. Hainbat gai lantzen ari dira, baina azkeneko argazkira arte itxaron behar da", esan du, transferentzietan "azkarrago joateak konpromiso gehiagorik ez dakar" esan aurretik.

Bizitzeko Gutxieneko Diru Sarreraren (BGDS) eskumena Euskadira iritsiko da

Bizitzeko Gutxieneko Diru Sarreraren (BGDS) eskumena Euskadira iritsiko dela azpimarratu du, nahiz eta ez duen datarik zehaztu. Halaber, gai horren inguruan itxurarik ez egiteko eta tentsiorik ez eragiteko eskatu du, zeharka EAJri aipamena eginez.

  • Bisitatuena

      Kargatzen ikusiena
      Kargatzen ikusiena
    ;