Politika -

Monarkia

Juan Carlos I.a Espainiara bueltatuko dela zabaldu dute

Espainiako errege emerituak ia bi urte daramatza Abu Dhabin. Hara joan zen ihesi, Mekako abiadura handiko trenaren obragatik ustez komisioak kobratzeagatik ikerketapean zegoela argitara atera zenean. Alabaina, martxoan, Fiskaltzak auzia artxibatu zuen.

Juan Carlos Borboikoa artxiboko irudia batean. Argazkia: EFE
Juan Carlos Borboikoa artxiboko irudia batean. Argazkia: EFE
Juan Carlos Borboikoa artxiboko irudia batean. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

Juan Carlos Borboikoa Espainiara bueltatzear egon daitekeela zabaldu dute berri-agentziek. Felipe VI.a Abu Dhabin egon zen atzo, Jalifa Bin Zayed al Nahyan jekearen hiletan, eta Espainiara itzultzeko aukeraz hitz egin zuen bere aitarekin, aipatu iturrien arabera.   

Gaur goizean, Onda Cero irratiak iragarri du errege emeritua Sanxenxon (Pontevedra) izango dela datorren maiatzaren 21ean eta erantsi du aurrez Zarzuela Jauregian izango dela. Errege-etxeak, baina, oraingoz ez du baieztatu informazio hori.

Espainiako errege emerituak ia bi urte daramatza Abu Dhabin. Hara egin zuen ihes, Mekako abiadura handiko trenaren obragatik ustez 65 milioiko komisioa kobratzeagatik eta dirua paradisu fiskaletan ezkutatzeagatik ikerketapean zegoela argitara atera zenean.

Alabaina, joan den martxoan, Ustelkeriaren aurkako Fiskaltzak artxibatu egin zuen auzia eta, harrezkero, hainbat zurrumurru izan dira Juan Carlos Borboikoaren itzulerarekin lotuta.   

 

 

Hau zure interesekoa bada, baliteke beste gai hauek ere izatea
Politika Juan Carlos I.a Espainiako Felipe VI.a Espainia Ustezko ustelkeria politikoa Eguneko albisteak Albisteak