Ayuso "erreferente nazionaltzat" jo du Iturgaizek, eta Euskadin bere politika ekonomikoak jarraitzera deitu

Carlos Iturgaiz Euskadiko PPko burua Isabel Diaz Ayuso Madrilgo Erkidegoko eta Madrilgo PPko presidente berriaz aritu da larunbat honetan. Haren aburuz, "erreferente nazionala" da eta, bere politika ekonomikoak eta "askatasunaren defentsa" laudatu ostean, horiek Euskadin ere aplikatzeko deia egin du.

Iturgaiz Madrilgo Erkidegoko PPren XVII Ezohiko Batzar Autonomikoaren amaieran mintzatu da larunbat honetan. Diaz Ayuso Madrilgo popularren presidente izendatu dute bertan.

Sare sozialen bitartez, euskal popularren liderrak baietsi du Ayuso "erreferente nazionala" dela, "haren politika ekonomikoak eta askatasunaren defentsa jarraitu beharreko ereduak direlako; Euskadin bereziki, non EAJk zergak igotzen dituen eta derrigorrezko nazionalismoak askatasuna itotzen duen".

Hoy en el Congreso del PP Madrid apoyando desde @PPVasco a @IdiazAyuso un referente nacional xq sus políticas económicas y de la defensa de la libertad son modelos a seguir. Especialmente en el País Vasco donde PNV sube impuestos, y el nacionalismo obligatorio ahoga a la libertad pic.twitter.com/0iju4iw5f7

— Carlos Iturgaiz (@carlositurgaiz) May 21, 2022

Gainera, hedabideen aurrean egindako adierazpenetan, adierazi du Genova ez dela Euskadiko Batzarra atzeratzen ari, eta lehenbailehen izatea espero duela, popularrak "batasun" egoera bizitzen ari baitira EAEn.

Dena dela, ez du argitu nahi izan batzar prozesura aurkeztuko ote den edo ez, Euskadiko PPko presidente gisa berretsi dezaten. "Nuñez Feijook egindakoa egingo dut nik, egin beharrekoa, alegia. Batzarra deitzen dutenean hitz egingo dut. Izan ere, deituta ez dagoen bitartean, ezin da erabakirik hartu, Alderdi Popularreko kideei zor zaien errespetua dela eta", azaldu du.