Politika -
Ohar baten bitartez
Elkarrizketaren bidea berretsi dute Gernikako Akordioren sinatzaileek
"Gizartearen gehiengoak nahi duen bezala" Espainiako eta Frantziako Gobernuak "berehala" ETArekin elkarrizketa hasteko eskatu dute.
Erredakzioa
Gernikako Akordioaren sinatzaileek azken egunetako atxiloketak salatu dituzte, bai Londresekoak, baita asteazkenean Bilbon egin zena ere", eta ildo honetan, "bakerako bide bakarra elkarrizketa da", adierazi dute ohar baten bitartez.
"Atxiloketek ez dute gatazkaren behin betiko irtenbidea ekarriko", diote, eta "bakea lortzeko bide bakarra, ETAren jarduera armatua amaitu zenetik batik bat, elkarrizketa da".
Honen harira, "gizartearen gehiengoak eskatzen duen bezala" Espainiako eta Frantziako Gobernuak "berehala" ETArekin elkarrizketa hastearen aldeko apustua berretsi dute.
