Politika -

Eusko Legebiltzarra

Euskara eta gaztelania euskal hezkuntzako komunikazio-hizkuntza izatea hitzartu dute EAJk eta PSE-EEk

Eusko Jaurlaritzako bazkideek azken unean adostu dute akordioa Hezkuntzako Lege-proiektuaren zuzenketen inguruan. Oposizioak, bere aldetik, zuzenketa partzialak (EH Bildu) zein osoko zuzenketak (Podemos-IU, PP, Cs eta Vox) aurkeztu ditu.

Zuzenketen aurkezpena. Argazkia: EITB Media.
Zuzenketen aurkezpena. Argazkia: EITB Media.
Zuzenketen aurkezpena. Argazkia: EITB Media.

EITB Media

Whatsapp Facebook Twitter Telegram Email

EAJk eta PSE-EEk epeak agortu dituzte, eta azken orduan akordio bat lortu dute Hezkuntzaren Lege-proiektuari zuzenketak aurkezteko. Bertan itundu dute lege-testuan jasotzea euskal irakaskuntza "euskara ardatz duen sistema eleaniztun" gisa egituratzea, eta bi hizkuntza ofizialen eta gutxienez atzerriko hizkuntza baten bidez artikulatzea, "ikaskuntza bideratuko baitute".

Hain zuzen ere, bi alderdiek komunikazio-hizkuntza izaera eman diete ikas-hizkuntza guztiei, sozialistek eskatu bezala. Izan ere, euskal hezkuntzan hizkuntza-ereduen sistema mantentzearen aldekoa da PSE-EE.

Hezkuntzako Lege-proiektuak ez ditu berariaz aipatzen hizkuntza-ereduak (A, B eta D) bere 101 artikuluetatik bakar batean ere, baina, Jokin Bildarratz sailburuaren arabera, "ez dira desagertzen" hezkuntza-sistematik, Euskararen Legea garatzen duen 1983ko dekretu batean araututa baitaude.

Talde parlamentarioek astearte honetan erregistratu dituzte zuzenketak, 12:00ak baino lehen. Elkarrekin Podemos-IU, PP, Vox eta Ciudadanos alderdiek osoko zuzenketak aurkeztu dituzte.

EAJk eta PSE-EEk azken minutura arte zalantzan izan dute hizkuntzen tratamenduaren inguruan dituzten desadostasunak nola konponduko zituzten.

Gorka Alvarez EAJko legebiltzarkideak azaldu duenez, PSE-EErekin adostutako zuzenketak negoziazio "diskretu" baten emaitza dira. Alvarezen arabera, testuak 2022ko apirilaren 7an sinatutako hezkuntza-ituna du oinarrian.

"Orain testu artikulatu on batean oinarrituta, beharrezko ├▒abardurak egin behar dira", gaineratu du. Helburua "gure gizartearen isla izango den lege sendo eta integratzaile bat uztea da, datozen 30 urteetan gurekin izango dena", azpimarratu du.

Jeltzaleak argitu duenez, hizkuntza-ereduak "ez dira inoiz zalantzan egon". "Ikastetxeei bi urte ematen zaizkie beren hizkuntza-proiektua egin dezaten, eta hirugarren hizkuntza aipatzen da, atzerritarra", azaldu du.

Maria Jesus San Jose PSE-EEko legebiltzarkidea, bere aldetik, "oso pozik" agertu da negoziazioen emaitzarekin, eta jeltzaleekin adostutako zuzenketek legearen alde batzuk argitzen eta hobetzen dituztela esan du. Ildo berean mintzatu da Eneko Andueza euskal sozialisten idazkari nagusia. Horren hitzetan, "Euskadin hizkuntza-eredu elebarra ez ezartzea" ahalbidetuko du akordioak.

Sozialisten hitzetan, "hizkuntza-ereduek indarrean jarraitzen dutela argitzen dute zuzenketek, eta ikaskuntza-hizkuntzen irakats-izaera bermatzen dute, eta zehazten dute euskal hezkuntza egituratzen den sistema eleanitzean, zeinaren ardatza euskara baita, eta bi hizkuntza koofizialen eta gutxienez atzerriko hizkuntza baten bidez egituratzen dela".

Horren berri eman aurretik EH Bilduk ohartarazi duenez, etorkizuneko Hezkuntza Legeak hizkuntzaren arloan hitzartutakoa adostu behar du, eta "euskara ardatz duen esparru eleaniztuna" sartu behar du, eta ohartarazi du koalizioak ez lukeela ulertuko "beste gai batzuk" jasotzea, egungo ereduak mantentzea, esaterako.

EH Bilduk iragarri du 146 zuzenketa aurkeztu dizkiola Hezkuntzaren Lege-proiektuari, "letra eta espiritua" errespetatuz.

''Hezkuntza legearen proiektua hobetuko duten 146 zuzenketa partzial aurkeztuko ditu EH Bilduk''
''Hezkuntza legearen proiektua hobetuko duten 146 zuzenketa partzial aurkeztuko ditu EH Bilduk''
''Hezkuntza legearen proiektua hobetuko duten 146 zuzenketa partzial aurkeztuko ditu EH Bilduk''

1:23

Miren Gorrotxategi Elkarrekin Podemos-IUko bozeramailearen esanetan, Hezkuntza Legea "pribatizatzailea" da, "eskola publikoaren aurka egiten duelako". Gainera, "gaur egun dugun arazo larria betikotzen du: segregazioa".

Elkarrekin Podemos-Ezker Anitzak osoko zuzenketa aurkeztuko dio Hezkuntza lege-proiektuari
Elkarrekin Podemos-Ezker Anitzak osoko zuzenketa aurkeztuko dio Hezkuntza lege-proiektuari
Elkarrekin Podemos-Ezker Anitzak osoko zuzenketa aurkeztuko dio Hezkuntza lege-proiektuari

1:46

Jokin Bildarratz Hezkuntza sailburuak behin eta berriz esan du Hezkuntza Sailak "leial" jokatu duela hezkuntza-itunean jasotakoarekin, eta testu berria "eragileen adostasunaren eta lankidetzaren bidez" onartu nahi duela azpimarratu du.

Bestalde, Bingen Zupiria Eusko Jaurlaritzako bozeramaileak adierazi du Legebiltzarrak araua "urtea amaitu baino lehen" behin betiko onartzea nahi duela. Bozeramailearen esanetan, "dena aurreikusitakoaren arabera badoa", urtea amaitu baino lehen legea onartzea espero dute. Horretarako, urrian osoko zuzenketen eztabaida bideratzea aurreikusten du, eta ondoren, lantalde batean, zuzenketa partzialak eztabaidatzea.

"Helburua da babes gehiago izatea hain garrantzitsua den lege-proiektu bati laguntzeko, eta horren gainean oinarrituko da euskal hezkuntzaren etorkizuna hurrengo hamarkadetan", adierazi du.

Hezkuntza legea aurten bertan onartzea espero du Eusko Jaurlaritzak
Hezkuntza legea aurten bertan onartzea espero du Eusko Jaurlaritzak
Hezkuntza legea aurten bertan onartzea espero du Eusko Jaurlaritzak

1:03
Hau zure interesekoa bada, baliteke beste gai hauek ere izatea
Euskaraz Politika EAJ-PNV Hezkuntza legea Eusko Legebiltzarra PSE-EE Eguneko albisteak Albisteak Hezkuntzako albisteak 2023