Rajoy: 'Gobernuak ez du inoiz ETArekin negoziatuko'

Miguel Angel Blanco Fundazioaren urteko sarien ekitaldia egin dute astearte honetan Bilbon, Mariano Rajoy Gobernuko presidentea bertan zela. Ekitaldiaren hasierak, gainera, irudi esanguratsua utzi du: Rajoyren eta Angeles Pedraza Terrorismoaren Biktimen Elkarteko presidentearen arteko besarkada.

Rajoyk ‘altu eta garbi’ esan du Miguel Angel Blancoren ekitaldian Espainiako Gobernuak ez duela ‘inoiz terroristekin negoziatuko’, ezta "terroreari bihotz eman diotenen xantaiarik" onartuko ere.

Gobernuko presidenteak, txalo artean, honako hau esan du: "negoziatzea bestearen arrazoira hurbiltzea da; ETAk ez du arrazoi bat bera ere".

Rajoyk adierazi du ez dituela ulertzen "ikara desenkusatzea" bilatu dutenen "anbiguotasunak eta desenkusak". Jarrera horren aurrean, PP beti "egon behar izan duen lekuan egon da: biktimekin eta haien senideekin, askatasunarekin eta justiziarekin, legearekin eta giza eskubideekin, bizitzarekin". "Hori da geure lekua, beti izan da, eta hala izaten jarraituko du", azaldu du.

Basagoiti: 'Ez gara inoiz bide zuzenetik irtengo'

Antonio Basagoiti Euskadin PPko presidenteak esan duenez, bere alderdia ez da inoiz "bide zuzenetik" irtengo, "terrorismoaren biktimek markatzen dutenetik". Halaber, ETAren aurrean erreakzio berri bat eskatu du, "ez delako nahikoa atentaturik egiten ez duela esatea eta pertsiana jaistea", "krimenaren negozio hau likidatu beharra dagoelako".

Euskal popularren liderraren ustez, "ezin du ETAren proiektu totalitarioaren harri bat berak ere gelditu", honenbestez, "erreakzio eta mugimendu berriak" beharrezkoak direla nabarmendu du, "ETAren ideiei ospea kentzen eta demokraziari eta askatasunari balioa ematen diena".

Euskadiko PPren buruak esan duenez, "hemen ez da inoiz bi bandoetako biktimarik izan", "konstituzionalista bat inoiz ez delako hasi independentistak hiltzen, inoiz ez du biktima batek arma bat hartu bere borreroaren aurka". Halaber, "bide zuzena biktimek markatzen dutena" dela errepikatu du, eta "urte askotan ezkutatuta eta ahaztuta egon diren arren, ohorea eta bizikidetza demokratikoa erakutsi" dutela adierazi du.

"Ermuan pasatutakotik 15 urte igaro direnean, ETAk pertsiana jaitsi duela adierazi behar izan du independentzia lortu gabe. Horregatik 858 biktima eraginez", esan du Basagoitik. "Miguel Angel, bizitza kendu zizun kolpekariari eman ziotenak kartzelan daude. Zu hiltzea agindu zuen taldeak ez du Euskal Herrian diktadura bat ezartzea lortu, ezta Espainiarekin amaitzea ere. Eta hemen gaude zure kideak, ETAk hiltzeari utzita ez lortzeko hiltzen lortu duena", nabarmendu du.

Mari Mar Blanco, hildako zinegotziaren arrebak, batasuna eskatu du "eraso sezesionisten aurrean", eta PPren Gobernuaren alde egin du. Alderdi horri buruz, ETA baldintzarik gabe garaitzeagatik lan egiten ari den zalantzarik ez dagoela nabarmendu du.

Rajoy, Miguel Angel Blancoren gurasoekin

18:30ean hasi da ekitaldia, Rajoy buru zuela. Bere ondoan 1997an ETAk hil zuen Ermuko PPko zinegotziaren gurasoak eserita izan dira, baita Mari Mar Blanco haren arreba ere, Miguel Angel Blanco Fundazioaren presidentea.

EITBra iristean, Bilbon, ekitaldia ospatzen ari den egoitzan, Rajoyk Mari Mar Blancori harrera egin dio.

Ekitaldian Jorge Fernandez Barne ministroa eta Pio Garcia Escudero Senatuko presidentea ere izan dira.

Besteak beste, honako hauek ere egon dira ekitaldian: Antonio Basagoiti Euskadin PPko presidentea, Alfonso Alonso Kongresuan alderdi horretako bozeramailea eta Arantza Quiroga Legebiltzarreko presidentea.

Ekitaldi honek Gobernua eta AVT publiko aurrean biltzea eragin du, Josu Uribetxebarria gaixo dagoen ETAko presoari 3. gradua eta baldintzapeko askatasuna eman izanak bien artaen sortutako hoztasunaren eta kritiken ostean.

Miguel Angel Blanco Bizikidetza Saria aurten "Espainiako gizarteari" eman diote.

Ekitaldi hau urtero ospatzen da Miguel Angel Blanco hil izanaren urteurrenean, eta, aurten, irailera arte atzeratu dute ETAk hildako zinegotziaren gurasoek hala eskatu dutelako.