Teknologia -
Espioitza programak
AEBk xantaia egin zion Yahoori, erabiltzeen datuak eman zitzan
Hala egin ezean, egunean 250.000 dolarreko isuna jarriko ziola egin zion mehatxu Obamaren Gobernuak.
Erredakzioa
AEBko Gobernuak xantaia egin zion Yahoo Interneteko enpresa erraldoiari, erabiltzaileen datu pribatuak eman zitzan. Hala egin ezean, egunean 250.000 dolarreko (193.000 euro) isuna jarriko ziola egin zion mehatxu, Atzerri Inteligentzia Zaintzeko Batzordeak (FISC) sekretutik ateratako hainbat txostenen arabera.
Ron Bell Yahooko aholkulari legalak konpainiaren blog ofizial batean azaldu duenez, enpresak "uko" egin zion Gobernuak agindutakoa betetzeari, eskatutakoa "Konstituzioaren aurkakoa" dela iritzita.
Horren esanetan, justiziak datuok ematera behartu zion Yahoori. "Aurre egin genion AEBko Gobernuaren autoritateari", nabarmendu du. "Garaipen handia da gardentasunarentzat", gaineratu du.
Notimex informazio agentzia mexikarrak zehaztu duenez, auzi honek erakutsi egiten du Edward Snowden CIAko kide ohiak ekainean esandakoa, hau da, FBIk eta NSAk Interneteko konpainia nagusien erabiltzaileen datu pertsonalak bildu dituztela.
