EAEko hauteskundeak 2020: EAEko hauteskundeak, uztailaren 12an | EITB Hauteskunde autonomikoak

EAE-ko Hauteskundeak 2020

00:45

EAE-ko Hauteskundeak 2020

Balorazioak

Krisia 3 urtetan gainditzeko laguntza eskaini die EAJk gainerako alderdiei

Agentziak | Erredakzioa

Iñigo Urkulluk esan du berehala jarriko dela lanean krisia gainditzeko, "ziurtasunak" eskaintzeko eta akordioak lortzeko.

  • Whatsapp
  • Whatsapp
  • telegram
  • Bidali

EAJk "eskua luzatu" die gainerako alderdiei pandemiak sortu duen krisiari hiru urtetan aurre egiteko eta enplegua, kohesio soziala eta autogobernua lortzeko.

Iñigo Urkullu EAJren lehendakarigaiak adierazi duenez, "berehala jarriko da lanean" krisia gainditzeko, "ziurtasunak" eskaintzeko eta "akordioak lortzeko borondatearekin" hitz egiteko, "Euskadi berriro zutik jartzeko".

"Ari, ari, ari, Urkullu lehendakari" oihuen eta txaloen artean, EAJren Arabako zerrendaburuak azpimarratu du hauteskunde hauek "ezberdinak, argitaratu gabeak eta zailak" izan direla, koronabirusaren pandemiagatik, baina "normaltasunez" egin direla gogorarazi du.

Batzuetan akatsak egin ahal izan dituela onartu ostean, "gizartearen zerbitzura onena eskainiz" jardun duela esan du, eta horrela egiten jarraitzeko konpromisoa hartu du. "Elkarrizketa eta elkarlan eraikitzailerako bidea berriro hastea espero dut", adierazi du.

Emaitzak ezagutu bezain laster, bere pentsamendua zentratu duen ideia "lanari ekitea da", azpimarratu du. "Landu behar dugun lana izugarria da, baina gure esfortzua merezi du, gure gizartearen onura ordezkatzen duelako", gaineratu du.

Ildo horretan, bere alderdiak "ziurtasunak" eskainiko dituela eta "akordioak lortzeko borondatearekin" hitz egingo duela esan du, "bideari berrekiteko eta indarrak batzeko", "aurrera egiteko eta, berriz ere, Euskadi zutik jartzeko".

Andoni Ortuzar buru duen alderdiak irabazi ditu hauteskundeak, 31 parlamentarirekin (hiru gehiago) eta botoen % 39,12 lortuta; horrenbestez, PSE-EErekin (10 eserleku) osatutako gobernu koalizioak gehiengo osoa izango luke, berriro bat eginez gero.

Buruzagi jeltzalearen hitzetan, emaitza "bikaina" izan da, eta "eskaintza solemnea" egin die alderdi guztiei, Eusko Jaurlaritza osatzetik harago doana, elkarlanerako "ziklo berri bat" irekitzeko, koronabirusaren krisiaren ostean Euskadi "zutik" jarri ahal izateko.

Ortuzarrek agerraldia egin du, Iñigo Urkullu lehendakari izateko hautagaiarekin eta alderdi jeltzaleko beste buruzagi batzuekin batera, Bilboko Sabin Etxearen egoitzaren kanpoaldean, bere militanteak eta jarraitzaileak bildu ahal izateko, koronabirusaren pandemiaren harira eskatutako segurtasun neurriak beteta.

BIDEOA | 'Gogoa non dugu' abesten amaitu du bere balorazioa Iñigo Urkulluk

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena