Europako hauteskundeak 2019: maiatzaren 26ko hauteskundeei buruko albisteak | EITB Europako Parlamenturako hauteskundeak

Europakoak 2019

11:33

Europakoak 2019

Bilera Suedian

Europako Batzordeko presidente berria, eztabaidagai

Erredakzioa

Jean-Claude Juncker izan beharko litzateke presidente berria, baina zenbait herrialde kontra agertu dira. Cameronek eta Merkelek bilera egingo dute gaur, Durao Barrosoren ordezkoa erabakitzeko.

  • Angela Merkel Alemaniako kantzilerra.

    Angela Merkel Alemaniako kantzilerra. Argazkia: EFE

  • Whatsapp
  • Whatsapp
  • telegram
  • Bidali

David Cameron Erresuma Batuko lehen ministroak eta Angela Merkel Alemaniako kantzilerrak bilera egingo dute gaur Suedian, herrialde horretako eta Herbehereetako gobernuburuekin, Europako Batzordeko presidente berria nor izango den eztabaidatzeko.

Jean-Claude Juncker Luxenburgoko lehen ministro ohia izan beharko litzateke Jose Manuel Durao Barrosoren ordezkoa, hauteskundeak Europako Alderdi Popularrak irabazi zituela kontuan hartuta.

Alabaina, zenbait herrialde, tartean Erresuma Batua, horren aurka agertu dira, eta horrek ekainaren 26an eta 27an bukatu beharko litzatekeen prozesua atzeratu du.

Juncker Europako Batzordeko presidente izendatuz gero, Erresuma Batua Europar Batasunatik aterako dela ohartarazi zuen joan den astean David Cameronek. Merkelek, berriz, "onartezintzat" jo zituen adierazpen horiek; izan ere, Alemaniako kantzilerrak Junckerren hautagaitza babesten du.

Lehendabiziko bilera gaur arratsaldean egingo dute, eta bihar goizean lau agintariak berriro elkartzea aurreikusi dute. Amaieran, agerraldi bateratua egingo dute batzarraren ondorioak azaltzeko.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena