Itxi

Europakoak

Europakoak

Europakoak

Izendapena

Jean-Claude Juncker Europako Batzordeko presidente izendatuko dute

Erredakzioa

Luxenburgokoak gutxienez 376 boto behar ditu (751 diputatu dira guztira) Europako Batzordeko presidente izateko.

  • Jean-Claude Juncker

    Jean-Claude Juncker. Artxiboko irudia. EFE

Jean-Claude Juncker luxenburgotarrari azterketa loteslea egingo diote gaur Europako Parlamentuan, Europako Batzordeko presidente izendatzeko.

Juncker ekainaren 26an eta 27an egindako azken goi-bileran proposatu zuten herrialdeetako buruek, maiatzeko hauteskundeetan Europako Alderdi Popularrak (EPP) lortu baitzituen ordezkari gehien.

Eurotaldeko presidente ohiak eta Luxenburgoko lehen ministro izan denak Euroganberan bere alderdi politikoaren aldeko botoak bakarrik jasoko ditu seguru, popularrena.

Sozialdemokratek eta liberalek hauteskundeetan eserleku gehien lortzen zituen hautagaiaren alde bozkatuko zutela esan bazuten ere, ordezkaritza nazional batzuek boto-diziplinari uko egitea erabaki dute, herrialdeko iritzi publikoaren aurrean Juncker ez babesteko prezio politikoa ez ordaintzeko.

Laboristek eta Espainiako sozialistek dagoeneko iragarri dute ez dutela babestuko.

Hala eta guztiz ere, Martin Schulz alemanak uztailaren 1ean lortu zuen babes bera (aldeko 409 boto) lortzea espero du Europako Alderdi Popularrak.

Junckerrek gutxienez 376 boto behar ditu (751 diputatu dira guztira) Europako Batzordeko presidente izateko.

  • Bisitatuena

      Kargatzen ikusiena
      Kargatzen ikusiena