Hauteskunde Orokorrak -

Emaitzak

EAEn, EAJk lortu du eserleku gehien; Ahal Duguk, berriz, boto gehien

Nafarroan, UPN-PPk irabazi ditu hauteskunde orokorroak, boto kopuruari dagokionez, baina ez eserlekuei dagokienez. UPN-PPk eta Ahal Duguk bina ordezkari lortu dituzte.

Hauteskunde gaua. Irudia: EiTB
Hauteskunde gaua. Irudia: EiTB
Ahal Dugu alderdi bozkatuena EAEn, baina EAJk eserleku gehien

2:21

E. Lotina | eitb.eus

Whatsapp Facebook Twitter Telegram Email

EAEn, EAJk lortu du eserleku gehien, baina Ahal Duguk eskuratu du boto gehien 2015eko hauteskunde orokorretan. Ahal Duguk botoen % 25 lortu ditu, eta bozen % 24 eskuratu dituzte jeltzaleek.

Bozen % 99 zenbatuta, EAJk sei ordezkari lortu ditu EAEn, 2011n baino bat gehiago. Ahal Duguk, berriz, bost eserleku eskuratu ditu.

Bestalde, PSE-EE hirugarren indarra da, eta hiru ordezkari izango ditu Madrilen; aurreko legealdian baino bat gutxiago, beraz. EH Bilduk, bestalde,  lau diputatu galdu ditu, eta bi ordezkarirekin geratuko da. PPk bi eserleku eskuratu ditu, bat galduta. Gainerako alderdiek ez dute ordezkaritzarik lortu, ezta Ciudadanosek ere.

EAJren kasuan kenduta, Ahal Duguren sarrerak EAEko mapa politikoa astindu du hauteskunde orokorretan. Aldaketaren kaltedun nagusia EH Bildu izan da.

Senatuari dagokionez, jeltzaleek sei senatari izango dituzte, Ahal Duguk bost eta PPk bakarra.

Nafarroan, UPN-PPk garaipena lortu du (botoen % 28), baina Ahal Dugu oso gertu geratu da (% 22). Bozen % 99 zenbatuta, UPNk bi eserleku eskuratu ditu eta Ahal Duguk beste bi. PSNk ordezkari bakarra izango du.

Ahal Duguren sarrerak batez ere boto abertzaleari egin dio kalte Nafarroan. Hala, Geroa Baik eta EH Bilduk duela lau urte lortutako diputatuak galdu dituzte.

Bestalde, UPN-PP koalizioak hiru senatari lortu ditu, eta Aldaketak bakarra eskuratu du. Horrela, 2011ko hiru senatariak izaten jarraituko du UPN-PPk. PSNk, aldiz, bere senataria galdu du Aldaketaren mesedetan.

EAJk garaipena lortu du Bizkaian

EAJk hauteskunde orokorrak irabazi ditu Bizkaian, hiru eserlekurekin. Ondoren, Ahal Duguk bi ordezkari lortu ditu. Hirugarren lekua eskuratu du PSE-EEk, baina ordezkari bakarra lortu du, EH Bilduk eta PPk bezala.

EAJk bozen % 28,08 lortu ditu; Ahal Duguk % 26,04; PSE-EEk % 13,20; EH Bilduk % 12,39 eta PPk % 11,31.

2011ko hauteskunde orokorretan, irabazlea Bizkaian EAJ izan zen, hiru eserlekurekin. Sozialistek bi erdietsi zituzten, Amaiurrek beste bi eta PPk bakarra.

Ahal Dugu, garaile Gipuzkoan

Bestalde, Ahal Duguk irabazi ditu hauteskundeak Gipuzkoan, bi eserleku eta bozen % 24,97 lortuta. Bigarren indar politikoa EAJ da, bi ordezkari eskuratuta. Jeltzaleek bozen % 24,07 lortu dituzte.

EH Bildu hirugarren indarra izatera pasatu da Gipuzkoan, botoen % 21,85 eskuratuta. Koalizio abertzaleak eserleku bakarra lortu du; horrenbestez, bi ordezkari galdu ditu. Azkenik, PSE-EEk lurralde horretako seigarren diputatua eskuratu du.

PPk ez du diputaturik lortu Gipuzkoan, bozen % 8,09 soilik lortu baititu.

Ahal Duguk irabazi du Araban, eta EH Bilduk bere ordezkaritza galdu du

Era berean, Ahal Duguk irabazi ditu hauteskunde orokorrak Araban, botoen % 27,15 eta eserleku bat eskuratuta. EH Bilduk bere ordezkaritza galdu du lurralde horretan.

Ahal Duguk PP gainditu du. Alderdi Popularrak bozen % 19,30 eskuratu ditu, duela lau urte baino 9 puntu gutxiago, baina bere diputatuari eutsiko dio.

EAJ hirugarren alderdia da Araban, botoen % 15,36 eta eserleku bat lortuta. PSE-EE alderdikoa izango da Arabako laugarren diputatua, sozialistek hautesleen % 14,17ren babesa erdietsi baitute.

2011ko hauteskundeetan, PP, PSE, EH Bildu (orduan Amaiur) eta EAJren artean banatu ziren Arabako lau eserlekuak. Ordezkari bakarra lortu zuten laurek, baina PP izan zen alderdi bozkatuena.

Hauteskunde orokorretako emaitzak, Eusko Legebiltzarrera eramanda:

proiekzioa eusko legebiltzarra eitb

Hau zure interesekoa bada, baliteke beste gai hauek ere izatea
EAJ-PNV Bizkaia UPN albisteak Geroa Bai Albisteak Nafarroa EAE albisteak Espainiako hauteskunde orokorrak gaur EH Bildu Bizkaia PSE-EE Euskadiko PP berriak