Hauteskunde Orokorrak Espainian 2019: A10ari buruzko azken orduko albisteak | EITB Hauteskundeak

Hauteskunde Orokorrak A10

20:03

Hauteskunde Orokorrak A10

Hauteskunde osteko itunak

Mendia: 'Rajoyren kontra bozkatuko dugu, murrizketen kontra gaudelako'

Agentziak | Erredakzioa

''Ez diogu babesa emango PPri'', berretsi du Euskadiko sozialisten buruak.

  • Whatsapp
  • Whatsapp
  • telegram
  • Bidali

Abenduaren 20ko hauteskunde orokorren emaitzen ostean, Idoia Mendia PSE-EEko buruak berretsi egin du sozialistek kontra bozkatuko dutela Mariano Rajoy PPko hautagaia presidente izendatzeko inbestiduran, ''azken lau urteotan Rajoyk bideratutako murrizketa politiken aurrean erabat kontra'' daudelako.

Tomas Meabe PSOEko gazteriaren sortzailearen inguruko erakusketa batean egin ditu adierazpenak Mendiak eta, bertan esan duenez, ''ziurgabetasun-garaia'' ireki da Espainian.

''Ziurgabetasunez betetako panorama utzi dute hauteskunde orokorrek, eta sozialistek erantzukizunez jokatuko dugu, beti egin izan dugun bezala eta etorkizunean egingo dugun moduan, jada aurreratu dugunez'', azaldu du.

Mendiak adierazi du PPri dagokiola gobernua osatzea, ''hauteskundeak irabazi dituelako''. ''Sozialistek kontra bozkatuko dugu, murrizketa eta desberdintasun politiken aurrean erabat kontra gaudelako''.

''Ez dugu Alderdi Popularra babestuko'', berretsi du. ''Jendearen alde jarriko gara, gaizki pasatzen ari direnen alde. Horiengan pentsatuta hartuko ditugu erabakiak'', esan du.

 

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena