Hauteskunde Orokorrak Espainian 2019: A10ari buruzko azken orduko albisteak | EITB Hauteskundeak

Hauteskunde Orokorrak A10

22:15

Hauteskunde Orokorrak A10

Kanpainaren hasiera

Urkullu: 'EAJk baino ez du defendatuko euskal agenda Madrilen'

agentziak | erredakzioa

Lehendakariak ziurtatu duenez, kanpaina honetan EAJ "desagerrarazi" nahi dute, bere ahotsa ez entzutea, hori dela eta, "Euskadiren interesen" aldeko mobilizazioa azpimarratu du.

  • Whatsapp
  • Whatsapp
  • telegram
  • Bidali

Iñigo Urkullu lehendakariak ohartarazi duenez, EAJ da "euskal agenda" eta Euskadiren "interesak" Madrilen defendatuko dituen alderdi bakarra eta EAJk, hain zuzen, "politika espainiarra baldintzatzeko eta aldatzeko aukera" dauka orain.

Urkulluk hitza hartu du EAJk Gasteizen egindako ekitaldian, ekainaren 26ko hauteskunde orokorretako kanpainaren hasieran, Andoni Ortuzar EBBren presidentearekin, eta Aitor Esteban, Mikel Legarda eta Joseba Agirretxea EAEko zerrendaburuekin batera.

Lehendakariak ziurtatu duenez, kanpaina honetan EAJ "desagerrarazi" nahi dute, bere ahotsa ez entzutea, hori dela eta, "Euskadiren interesen" aldeko mobilizazioa eskatu du.

"Euskal agenda ongi izatearen euskal eredua da, Segurtasunaren ekonomiaren kudeaketa", "bakearen aldeko estatu mailako politika", Kontzertu Ekonomikoa, eskubide historikoak eta "Estatuaren aniztasuna onartuko duen Estatus berria" defendatuko duena. Gainera, espetxeetako eskumena eta Polizia Nazionaleko eta Guardia Zibileko agente kopurua "egokitzea" ere eskatuko dute.

Andoni Ortuzar EAJren presidentea, bestalde, pozik agertu da orain dela hilabete batzuk "euskal agenda" mesprezatzen zuten alderdiek gaur errespetatu eta defendatu ere egiten dutelako.

Halere, Ortuzarren esanetan, alderdi horiek joko bikoitza egiten dute, Euskadin gauza bat esan eta Kongresuan kontrakoa bozkatu.

Aitor Esteban Bizkaiko zerrendaburuak "lau apartak" kritikatu egin ditu, alegia, PP, PSOE, Podemos eta Ciudadanos, Euskal Herriko eta Kataluniako nazionalistak telebistetatik baztertzearren.

baztertzearren.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena