Esperanza Aguirrek Madrilgo PPren presidente kargua utziko du

Esperanza Aguirre Madrilgo PPren buruak iragarri du aparteko kongresua eskatuko diola alderdiaren buruzagitzari, Madrilgo erkidegoko PP berriro fundatzeko maiatzaren 24ko emaitza txarren ostean, eta kargua utziko du kongresu horretan.

Aguirrek alderdiaren Batzorde erregionalaren bilera zuzendu du gaur, udal eta erkidegoetako hauteskundeen osteko lehenengoa, emaitzak aztertzeko egina.

Madrilgo PPren presidenteak esan du "ezinbestekoa" dela militante guztiei ahotsa ematea haien hitza entzuteko; izan ere, Aguirrek uste du "mezu argia" igorri diotela boto-emaileek, aitzakiarik ez duen "aurrekaririk gabeko" boto galeraren ostean.

Buruzagi popularraren arabera, PP ez da aldarrikatzen duen mailan eta herritarrek espero zutenaren mailan egon.

Hauteskundeen emaitzen inguruko analisian, Aguirrek adierazi du ustelkeria izan dela "giltzarria" porrotean, kanpaina "polarizatu" izanarekin batera. Gainera, errenta aitorpenaren argitalpenak egun bakarrean 11 puntuko babesaren galera eragin ziola salatu du.