Udal eta foru hauteskundeak 2019: Maiatzaren 26an, Euskadin eta Nafarroan | EITB Hauteskundeak albisteak

Udalen osaketa

21:15

Udalen osaketa

Kanpaina

Iruñea hobetzeko hainbat proposamen egin dituzte alkategaiek

Agentziak | Erredakzioa

Emakumeen Etxea, ingurumena, etxebizitza eskubidea edo trafikoa murrizteko neurriak proposatu dituzte hautagaiek astearte honetan, hiriburua hobetzeko helburuarekin.

  • Itziar Gomez Geroa Baiko alkategaia Gazteluko plazan.

    Itziar Gomez Geroa Baiko alkategaia Gazteluko plazan. Argazkia: Geroa Bai

  • Whatsapp
  • Whatsapp
  • telegram
  • Bidali

Iruñeko alkategaiek hiria hobetzeko proposamenak azaldu dituzte astearte honetan, Nafarroako hiriburuan egindako ekitaldi politiko ezberdinetan. Besteak beste, Emakumeen Etxea, ingurumena, etxebizitza eskubidea edo trafikoa murrizteko neurriak proposatu dituzte.

Argako pasealekuan egindako ekitaldian, "gure hirian jasangarritasunaren aldeko benetako apustua egin eta benetako irtenbideak", adostasunetik, bilatuko dituela esan du Enrique Maya Navarra Sumako hautagaiak.

Gazteluko plazan, "herritarren eskutik, konpromiso instituzional irmoa" agertu du Itziar Gomez Geroa Baiko alkategaiak. Herritarrek "aske, seguru eta berdintasunean" bizi nahi dutela esan dute kalean, behin baino gehiagotan, gogorarazi duenez. "Indarkeriari eta kristalezko sabaiei aski da esan diete", azpimarratu du.

Emakumeen Etxea aurten martxan jarriko dutela gogorarazi du Gomezek: "bilera, eztabaida, gogoeta eta ahalduntze esparru bat". Gainera, "elkarbizitzarako eragileen" figura sortu nahi du, "langabezian dauden emakumeei bideratutako proiektua, segurtasun eta babes zibileko sektore maskulinizatuan burua sartzeko".

Mugikortasun jasangarriaren eta ingurumena zaintzearen aldeko apustua egin du EH Bilduko hautagaitzak, etorkizuneko hiri bat izateko. Oinezkoentzako eremuak, garraio publikoa eta baliabide jasangarriak defendatu ditu koalizioak.

Joxe Abaurrea zinegotziaren hitzetan, korridore berde berriak eta "30 Hiria" estrategia beharrezkoak dira, autonomia energetikoaren aldeko apustua gauzatzea, Pobrezia Energetikoaren kontrako Plan Integrala eta hirigintza plangintza oinezkoen ikuspuntuarekin garatzea.

Gaxan Sad Podemoseko alkategaiak Arrotxapeako San Pedro auzoan egin du ekitaldia. Etxebizitza eskubidea unibertsala dela nabarmendu du Sadek. "Hamarkadetan zehar UPNk Udalean zein Foru Gobernuan aplikatutako neurriak lehengoratzearen" alde azaldu da.

Alokairu merkatuko salneurriak arautzea beharrezkoa dela uste du koalizio moreko alkategaiak: "gazteak emantzipatu eta gurasoen etxetik atera ahal izateko neurri erabakigarria da".

Gizarte politikak laguntzarako tresnak soilik ez, kohesio sozialerako tresna bat izatea defendatu du Maite Esporrin PSNko alkategaiak.

Milagrosan ekitaldia egin dute sozialistek. Gizarte politikak "lehentasuna" direla ziurtatu du Esporrinek, pertsona eta kolektibo ahulenei laguntzen dietelako. Hala ere, onuradunei bakarrik ez, gizarte osoari mesede egin behar dietela azpimarratu du.

Azkenik, Burlata-Barañain ardatzean autoak murriztea eta hirian oinezkoentzako pasabideak eraikitzea proposatu du Andoni Romeo Aranzadiko zerrendaburuak.

Iruzkinak

  • Publizitatea
    • BILATZAILEA
    Publizitatea
    Publizitatea
    Publizitatea

    Bisitatuena

      Kargatzen ikusiena
      Kargatzen ikusiena