Agintaldiak mugatzearen alde egin du UPyDk, 'ustelkeria desagertzeko'

Fernando Garcia Arabako Batzar Nagusietarako UPyDren zerrendaburuak salatu du azken legegintzaldian "ustelkeria nagusi" izan dela Araban.

Gasteizen egindako ekitaldi politiko batean egin ditu adierazpenok. Gorka Maneiro legebiltzarkidea ere bertan izan da.

"Berriztatze demokratikoaren bat egiteko" deia luzatu die Garcia arabarrei. Herritarrak "boterean eroso eserita dauden politikoarekin nazkatuta" daudela erantsi du.

Azken urteotan Araban izan diren ustezko ustelkeria kasuak gogor kritikatu ostean, Garcia esan du UPyDk oso argi daukala "ustelkeriarekin amaitzeko formulak" egon badaudela eta adibide moduan agintaldiei mugak jartzea aipatu du. "Politika ez da profesio bat eta politiko batek ez luke boterean zortzi urte baino gehiagoz egon behar", azpimarratu du.