Oharrean diote Zuzendaritzak zalantzan jarri duela eta ez dituela baloratu taldeak 2025eko denboraldian egindako lana, lortutako emaitzak eta izandako profesionaltasuna. Horrez gain, salatu dute gutxietsiak izan direla emakumeak izateagatik.

Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.

Gaur banatu dira denboraldiko patroirik onenen sariak. Bai gizonen eta bai emakumezkoen kasuan Hondarribiko patroiei eman dizkiete, Miren Garmendia eta Joseba Amunarrizi, hain zuzen ere.

Osertz Aldaik taldea utzi ostean, Markel Akarregi izango da Lekittarra taldearen entrenatzailea. Erronka berriari gogotsu heldu diola azaldu du Akarregik elkarrizketa honetan. 

Igoera lortu eta gero, San Juaneko emakumezkoen trainerua Euskotren Ligan lehiatuko da berriro datorren denboraldian. Gereñotarrek eragin handia izan dute emaitza horretan.

Lekeition hamar urte egon eta gero, Osertz Aldaik Hondarribiko emakumezkoen taldea entrenatuko du aurrerantzean. Arrazoiak azaldu ditu elkarrizketa honetan. 

Realaren eta Mallorcaren arteko partida hasi aurretik, zaleek Arraun Lagunak eta Orio, alegia, arrauneko denboraldian onenak izan diren taldeak, omendu zituzten. Berdegunean izan ziren, zelai erdian.

Joan den asteburuko lorpena eta gero, ilusioz eta pozik daude Santurtzin, Alexander Esteban entrenatzaileak elkarrizketa honetan azaldu duenaren arabera. 

ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".

Bi traineruak maila gorenera igo dira asteburu honetako play-offean garaile atera ondoren, eta gogotik ospatu dute herritarrekin.

Eusko Label Ligara igotzeko play-offean, Chapelak maila gorenerako txartela lortu du Portugaleten. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.

San Juan gailendu da Euskotren Ligako play-offean Portugaleten. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.

Emakumezkoen play-offean, San Juan nagusitu da Portugaleteko uretan, eta Bantxa ontzia bigarren izan da. Gizonezkoetan, berriz, Santurtzi eta Chapela Eusko Label Ligan lehiatuko dira datorren denboraldian, igande honetan bukatu den play-offean lehen bi postuak eskuratu ondoren.

Portugaleteko Bandera ere bereganatuta, marka guztiak hautsi ditu Oriok aurten, Eusko Label Liga eta Kontxa poltsikoratuta.

Mikel Olazabal EITBko kazetariak agur esan die arraun emanaldiei, 42 denboraldiren ostean. Honela esan du agur, bere azken emanaldian.

Oriok irabazi du Portugaleteko Bandera, eta Eusko Label Ligan aurten 16. bandera eskuratu eta errekor guztiak hautsi ditu horrela. "Oriok egindako denboraldiari 10ekoa jarriko nioke", esan du Gorka Aranberri patroiak.

Kaikuko entrenatzailea penatuta azaldu da traineruak maila galdu ondoren. Bere mutilek dena eman dutela nabarmendu du, baina taldearentzat jaitsiera porrota dela.

Santurtzi Eusko Label Ligan lehiatuko da datorren denboraldian, igande honetan amaitu den play-offean lehen postua lortuta. "Ondo egindako lanaren saria jaso dugu", esan du Alexander Esteban Soterako entrenatzaile eta arraunlariak.

Chapelako arraunlari eta entrenatzailea pozik agertu da maila gorenera igo direlako, eta klubaren proiektuaren alde egin du.

Nicole Maroño Donostiarrako patroia oso pozik agertu da bere ontziak gorengo mailari eustea lortu duelako, play-offean bigarren postua eskuratuta, San Juanen atzetik.

San Juan izan da onena Euskotren Ligako play-offean, eta, horrenbestez, arraunaren elitean arituko da datorren denboraldian. Laida Valderrama patroia pozarren agertu da lorpenarekin.

2025eko Eusko Label Ligako play-offeko lehenengo jardunaldian, Santurtzi gailendu da. Estropada amaitu ostean, Markel Lujua patroiak adierazi du taldeak ez duela "presioa" sentitu, eta eskerrak eman dizkie zaleei: "Santurtzi osoa hemen dago".

Donostiarrak irabazi du 2025eko Euskotren Ligako play-offeko aurreneko jardunaldia, Bermeon. Patroiak nabarmendu duenez, Portugaleten igandean jokatuko dutena beste lehiaketa bat izango da: "Ez da nahikoa bost puntu hauekin".

Donostiarrak ez zion behar bezala ekin denboraldiari, baina behetik gora egin du nabarmen, eta horren adibide da Kontxan laugarren postua lortu izana. Sasoi betean iritsiko da asteburuko play-offera.

Bermeo eta Portugaleteko bandera erabakigarriei aurre egiteko agertu da Gorka Etxeberria, Arkoteko entrenatzailea eta arraunlaria. Esperientzia handiko trainerua da Plentziarrena eta gogor lehiatuko direla esan dute.

Asteburu honetako Bermeoko eta Portugaleteko banderek datorren denboraldian Euskotren Liga osatuko duten ontziak ezagutzeko balioko dute. San Juanen play-offa irabaztearekin eta elitean lekua berreskuratzearekin amesten dute, hala erakutsi digu Maialen Arrazolak.

Alexander Esteban santurtziarren entrenatzaileak udako lan bikaina biribildu nahi du, eta "erantzukizuna" sentitzen duela erantsi du. Hodei Mentxaka Soterako arraunlariak estropada eremuen berezitasunengatik erne egon beharko direla ohartarazi du.

ETE ligako garailea igoerari begira dago buru-belarri Kontxako Banderaren lehen jardunaldiko gorabehera gaindituta. Irati Zubeldia taldeko arraunlariak eta Juanjo Etxarte entrenatzaileak hori adierazi dute.

Xubane Uribarrena eta Ane Sanchez Donostia Arraun Lagunak taldeko arraunlariak "Biba Zuek!" saioan izan dira Liga eta Kontxako Bandera irabazi berritan. Biek irabazi dituzte lau Kontxa, eta bosgarrenaren bila doaz.

Bere 10. Kontxako Bandera irabazita errekorra hautsi berritan, Gorka Aranberri Orioko patroiarekin izan gara. Ligan 14 bandera irabazi dituzte, eta, dioenez, entrenatzaileak errekorra hautsi nahi du Bermeon. Azaldu du nola konbentzitu zuen Benito Lertxundi balkoira igotzeko.