Publizitatea
Itxi

2016/04/15

12:44

Donostia 2016

Gertutik

Ez gara bakarrak

Xabier Larrazabal | EITB

Europa bat-batean proiektuak Euskal Herriko bertsolariak eta Europako zenbait herritako inprobisatzaileak elkartuko ditu eszenaleku gainean

  • Whatsapp
  • Whatsapp
  • Telegram
  • Bidali

Hemengo bertsolariak eta Europako beste zenbait lekutako inprobisatzaileak elkartuta, Europa Bat-Bateanek ahozkotasuna gaurkotasunera nola egokitu den ikusteko balioko duela uste du Xabi Paya Donostia 2016ko kultur programaren zuzendariak. Arrate Illaroren ustez, bakarrak ez garela konturatzeko balioko du. Euskaldunak ez garela kantu inprobisatuan  dihardugun bakarrak. Mintzola Ahozko Lantegia dago Donostia 2016rekin batera proiektu honen atzean, eta antolatzaile taldean dago Illaro: “bertsoak nazioartean ezagutzera eman nahi ditugu baina kanpokoa hemengoei erakustea ere bilatzen dugu”. Ez omen da lan erreza izan inprobisatzaileen ahozko tradizio horri non eusten dioten jakitea: “Batzuekin oraintxe hasi dugu harremana eta beste batzuekin, aldiz, aurretik ere bazegoenean sakondu dugu”, dio Illarok.  Batzuk eta besteak eszenaleku gainean elkartuko ditu orain proposamen honek. Lehen txanda asteburu honetatik aurrera astebetez egingo da, eta Sardinia, Kurdistan eta Herrialde Katalanetako inprobisatzaileak arituko dira bertsolari euskaldunekin batera.

Euskal Herriko bertso saio batekin alderatuta saioek ze forma izango duten galdetuta, dena “erabateko esperimentua” dela erantzun du Illarok. Saioetan inprobisatzaileak euren kabuz, besteekin nahastu gabe arituko dira momentu batzutan, eta beste batzutan ostera, nahastu egingo dituzte denak. Diotena ondo ulertzeko, euskarazko itzulpena izango dute saioek.

Dena dela, antolatzaileek aurreratu dute aste honetan Euskal Herri osoan zehar egingo diren saio hauek proiektuaren girotze saioak baino ez direla izango, Europa Bat -Bateanen zati nagusia uztailean egingo baita Donostian. Orduan izango da Mexiko, Kuba, Austria, Zipre edota Galesko inprobisatzaileen bisita jasotzeko garaia eta jendaurreko saioez gain jardunaldi akademikoek ere osatuko dute programa. Proiektuan zehar kantu inprobisatuaren genero ikuspegia,  hizkuntza gutxituekin duen harremana edota  belaunaldiz belaunaldiko transmisioa landu gura dituztela diote.

Momentuz girotze saio hauetan lehena Bilboko Azkuna Zentruan egingo da zapatu honetan,Loraldiaren baitan.

  • Hau zure interesekoa bada, baliteke beste gai hauek ere izatea:
  • Donostia 2016
  • Bisitatuena

      Kargatzen ikusiena
      Kargatzen ikusiena
    ;